FAN-LESS GAMES, LEBRON BOYKOT SA NBA
- Published on March 11, 2020
- by @peoplesbalita
BINABALAK ng NBA na magkaroon ng ilang laro na hindi magpapapasok ng mga fan sa game venue upang maiwasan ang pagkahawa sa nakamamatay na coronavirus.
Hindi sang-ayon dito si NBA Lakers supertstar LeBron James na maglalaro sila ng walang fans na nanonood dahil sa banta ng coronavirus o COVID19.
“We play games without the fans?” sabi ni James. “Nah, it’s impossible.”
Tugon ito sa inilabas na memo ng liga sa lahat ng 30 koponan na maghanda sa posibilidad na maglaro na walang mga fan upang maiwasan ang virus outbreak.
Gayunman hindi ito bumenta kay LeBron, na iginiit na naglalaro siya para sa mga fans kaya walang kuwenta kung naglalaro ito ng walang fans na nanonood.
“I ain’t playing,” diin ni James. “I ain’t got the fans in the crowd. That’s who I play for. I play for my teammates. I play for the fans. That’s what it’s all about. If I show up to an arena and there are no fans in there, I ain’t playing. They can do what they want to do.”
Ang home court ng Lakers at LA Clippers sa Staples Center ay naglagay ng mga sanitizer station sa loob ng venue para sa mga manonood upang hindi mahawa ng nakamamatay na sakit na COVID-19.
Nakatakda namang malugi ng malaki ng NBA kung itutuloy ang balak dahil sa inaasahang mga magre-refund ng kani-kanilang ticket sa mga natitirang laro sa regular season at sa paparating nang playoffs, na magsisimula sa Abril 18.
Samantala, wala namang problema ang teammate ni LeBron na si Alex Caruso sa memo ng NBA.
“If it is a legit thing that needs to be done, do whatever you have to do. People watch on TV way more anyway,” sabi ni Alex.
Kabilang din sa takot madapuan ng coronavirus si two-time NBA Slam Dunk champion na si Zach Lavine na hindi nag-atubiling pumirma ng autograph ngunit tila allergic na makipag-contact sa publiko.
Bukod closed-door games o fan-less games, may nauna na ring memo na nagbabawal makipagkamay o makipag-apir ang mga NBA player sa mga fans bilang proteksyon na rin sa posibleng pagkahawa sa mga miron na nahawa sa COVID-19.
-
Pinas, in- update ang ‘Red, Green, Yellow’ list, Covid-19 protocols
BINAGO at in-update ng Pilipinas ang roster ng “red, yellow, at green” countries/ jurisdictions at maging ang testing at quarantine protocols para sa pagdating ng mga pasahero. Ang red, yellow at green list ay in-update sa nangyaring pulong ng mga miyembro ng Inter-Agency Task Force for the Management of Emerging Infectious Diseases (IATF-EID). […]
-
40,000 KAPSULA NG ANTI COVID, NAI-DELIVER NA SA MAYNILA
NATANGGAP na ng pamahalaang lungsod ng Manila ang 40,000 kapsula ng anti-Covid drug na Molnupiravir. Ang nasabing gamot para sa COVID-19 ay idiniliber sa Sta.Ana Hospital kung saan mismong si Manila Mayor Isko Moreno Domagoso at Aksyon Demokratiko Presidential aspirant ang nanguna sa symbolic turn-over ng ilang kahon ng Molnupiravir sa Manila Covid 19 […]
-
Ensayo ng Gilas Pilipinas apektado dahil sa ECQ
Labis na naapektuhan ang pagsisimula ng training ng Gilas Pilipinas para sa Asia Qualifiers matapos na tuluyang kanselahin ng Phlippine Sports Commission ang mga training dahil sa paglalagay sa enhanced community quarantine ng National Capitla Region, Bulacan, Rizal, Laguna at Cavite. Base sa naging abiso ng PSC sa National Sports Association (NSA) na […]