Game fixing malala sa dalawang liga sa bansa
- Published on October 1, 2020
- by @peoplesbalita
SINIWALAT kamakailan ng dating player ng Philippine Basketball Association o PBA na si Gerald ‘Gerry’ Esplana, na malala ang game fixing sa dalawang liga sa bansa.
Ito aniya ay sa Maharlika Pilipinas Basketball League o MPBL at sa National Collegiate Athletic Association o NCAA.
Naging coach ng Valenzuela City sa MPBL at sa Emilio Aguinaldo College sa NCAA ang 1990 PBA Rookie of the Year tapos huguting second round, ninth overall pick ng Presto Tivoli sa nasabing taong Rookie Draft.
Idinagdag ng graduate sa Far Eastern University ng University Athletic Association of the Philippines o UAAP, na isa mga player niya (EAC Generals) ang nabisto niyang nagbebenta ng laro.
Pero mas malala aniya ang game fixing sa MPBL na nilipatan niya tapos ng college stint o coaching job sa Aguinaldo.
Pero sa dami ng koponan sa semi-professional league, mahirap aniyang mabantayan ang lahat ng galaw ng mga may ari ng bawat team, mga manedyer, coach at lalo na ng mga player.
Dinugtong ng 13-year pro league veteran at magsi-54-anyos sa Oktubre 27, na ginawang raket na at kabuhayan ang game fixing at point shaving ng ilang manlalaro sa paliga (MPBL) ni Sen. Emmanuel Pacquiao.
Marahil aniya na dahilan na rin sa mababa ang allowances na galing sa liga, kaya napipilitan na humanap ng dagdag na mapagkakakitaan ng mga basketbolista kahit sa iligal na diskarte.
Siyempre nais matuldukan ang masamang gawaing ito para sa kabutihan ng sports sa pangkalahatan. (REC)
-
1-week academic healthbreak sa mga paaralan sa Maynila, iniutos ni Yorme
INUMPISAHANG ipatupad kahapon, Biyernes ng Pamahalaang Lungsod ng Maynila ang isang linggong ‘healthbreak’ sa mga paaralan sa siyudad upang makapagpahinga umano ang mga guro at mag-aaral. Inanunsyo ni Manila City Mayor Isko Moreno ang ‘healthbreak’ umpisa Enero 14 hanggang Enero 21 sa lahat ng lebel ng mga pampubliko at pribadong paaralan. […]
-
Utang ng gobyerno ng Pinas, pumalo na sa P12T mark
LUMOBO na ang utang ng gobyerno ng Pilipinas at nakapagtala ito ng bagong record-high at nasira ang P12-trillion mark “as of end-January” ngayong taon sa gitna ng nagpapatuloy na borrowing efforts para palakasin ang pananalapi para sa COVID-19 recovery measures. Ito ang makikita sa data na ipinalabas ng Bureau of the Treasury (BTr). […]
-
Construction worker na top 3 most wanted ng Malabon, nasilo
NAGWAKAS na ang pagtatago ng isang construction worker na nakatala bilang top 3 most wanted sa kasong robbery with homicide matapos masakote sa ikinasang manhunt operation sa Malabon City, kamakalawa ng gabi. Kinilala ni Malabon police chief P/Col. Jonathan Tangonan ang naarestong akusado na kinilala bilang si Redentor Rodaste, 27 ng Sitio Gulayan, […]