Garcia namumuro na kay Pacquiao?
- Published on February 1, 2021
- by @peoplesbalita
Maugong ang pangalan ni World Boxing Council (WBC) interim lightweight champion Ryan Garcia sa posibleng makalaban ni eight-division world champion Manny Pacquiao.
Mismong ang tatay ni Garcia na si Henry ang nagkumpirma na gumugulong na ang negosasyon para sa laban na inaasahan nitong maikakasa anumang araw ngayong linggo.
“It’s not bizarre, it’s just two people who want to fight each other; Ryan’s fighting a legend and Pacquiao’s fighting a rising star, so it’s not awkward at all,” ani Henry sa Sky Sports.
Ikinuwento pa ni Henry na isang 10-round boxing match lamang ang nakapaloob sa kasunduan.
Hindi rin itataya sa naturang laban ang World Boxing Association (WBA) welterweight title ni Pacquiao.
Kaya naman tila nabigyang linaw ang nauna nang pahayag ni Pacquiao na posibleng matuloy ang laban nito sa 22-anyos boxer ngunit magsisilbi lamang itong exhibition match.
“Nandyan din si (Ryan) Garcia pero parang exhibition lang yan, 22 years old pa lang parang anak ko na yan. Pero ok lang yan parang ako ang professor (niya),” ani Pacquiao sa naunang ulat ng PSN.
Naghihintay na lamang ng go signal ang kampo ni Garcia kung matutuloy ito o hindi.
“What I do know is both fighters want to fight each other and it’s going to be for real – it’s going to be a real fight,” ani Henry.
Sa kabilang banda, umaasa pa rin si Ultimate Fghting Championship superstar Conor McGregor na matutuloy ang laban nito kay Pacquiao.
Halos kasado na ang Pacquiao-McGregor fight na napaulat na gaganapin sana sa Abril 23 sa Dubai, United Arab Emirates.
Subalit naging matamlay ang usapan matapos matalo si McGregor kay Dustin Poirier via second-round knockout sa Abu Dhabi.
-
Jawo, 9 iba pa iluluklok sa Philippines Sports Hall of Fame
Pamumunuan ni ‘Living Legend’ Robert Jaworski ang siyam pang sports heroes ng bansa sa pormal na pagluluklok sa kanila sa Philippine Sports Hall of Fame (PSHOF) sa Linggo sa isang digital ceremony. Kasama rin sa fourth batch ng mga inductees sina football great Paulino Alcantara, swimmer Eric Buhain, track and field star Elma […]
-
Sayaw ng sayaw habang in character sila: FAITH, kinaaliwan ang bagong Tiktok video kasama si BARBIE
VIRAL at kinaaaliwan ng mga netizens ang bagong Tiktok video ni Faith Da Silva kung san kasama niya si Barbie Forteza. Dance kung dance ang dalawa sa tugtuging ‘Beauty And A Beat’ Ang dalawang Sparkle actresses na co-stars rin sa ‘Maging Sino Ka Man.’ Ang bongga pa, hindi bilang sina Faith at […]
-
Partnerships, mahalaga sa regional disaster risk reduction-PBBM
SINABI ni Pangulong Ferdinand Marcos Jr. na mahalaga ang ‘partnerships’ sa mga bansa sa Asia Pacific region para makapagtatag ng ‘adaptive, inclusive, resilient, at sustainable region’ sa disaster risk reduction. Ito ang sinabi ni Pangulong Marcos sa kanyang naging talumpati sa isinagawang ‘courtesy and ministerial dinner for the delegates of the 2024 Asia-Pacific Ministerial […]