Gawad Kalasag Seal of Excellence Award muling nakuha ng Malabon LGU
- Published on December 16, 2023
- by @peoplesbalita
SA ikalawang pagkakataon, muling nasungkit ng Pamahalaang Lungsod ng Malabon ang Gawad Kalasag Seal of Excellence Award at “Beyond Compliant” mula sa National Disaster Risk Reduction and Management Councel (NDRRMC).
Ito’y sa katatapos lamang na Gawad Kalasag National Awarding Ceremoney na ginanap noong December 11, 2023 sa Manila Hotel, Ermita Manila.
Ang naturang parangal ay nakamit sa ilalim ng matagumpay na pamumuno ni Mayor Jeannie Sandoval, kasama si City DRRM Officer Roderick Tongol, at ang buong Malabon Disaster Risk Reduction and Management Council (MDRRMC).
Ang Gawad Kalasag ay isang pambansang parangal mula sa NDRRMC na naglalayong parangalan ang mga lokal na pamahalaan, ahensya ng gobyerno, mga organisasyon, at mga indibidwal na nagpamalas ng kahusayan sa larangan ng disaster risk reduction and management (DRRM) at humanitarian assistance.
Patunay ito na epektibo at maayos ang mga hakbang na isinasagawa ng lokal na pamahalaan para sa kaligtasan at kaginhawaan ng komunidad sa panahon ng mga sakuna at kalamidad.
Kasama din rito ang maingat na pagpaplano, implementasyon ng mga proyektong DRRM, edukasyon sa publiko, at iba pang hakbang na naglalayong mapababa ang panganib at pinsala sa oras ng kalamidad.
“Ang parangal na ito’y nagbibigay inspirasyon sa atin na patuloy na magsikap para sa mas ligtas at maunlad na kinabukasan. Maraming salamat sa inyong suporta at pagkakaisa!” pahayag ni Mayor Jeannie. (Richard Mesa)
-
MRT 3 and PNR nagbibigay ng libreng antigen test
Ang pamunuan ng Metro Rail Transit Line 3 (MRT3) at Philippine National Railways (PNR) ay nagbibigay ng libreng antigen testing sa mga pasaherong gustong sumailalim sa nasabing testing. Ayon sa MRT 3, ang mga tauhan nito ang siyang magbibigay ng antigen testing sa mga pasahero na nagsimula kahapon hanggang Jan. 14, Jan. […]
-
NCR, Bulacan, Batangas, Tacloban at Bacolod nasa GCQ – PRRD
Mananatili sa General Community Quarantine (GCQ) ang Metro Manila simula Septembre 1-30. Ito mismo ang inanunsiyo ni Pangulong Rodrigo Duterte base na rin sa rekomendasyon ng Inter-Agency Task Force on Emerging Infectious Diseases. Kabilang na nasa ilalim ng GCQ ang mga probinsiya ng Bulacan, Batangas at lungsod ng Tacloban at Bacolod. Habang […]
-
MMDA dudang 100k sasama sa Piston tigil-pasada, aagapay sa commuters
MINALIIT ng Metropolitan Manila Development Authority ang posibleng maging epekto ng inilulutong transport strike ng Piston kontra “jeepney phase” out at December 31 consolidation deadline — pero nakahanda na raw silang umalalay sa mga maiipit ng welga. Ito ang ibinahagi ni MMDA acting chairperson Don Artes sa isang video statement bago ang December […]