Gobyerno, ipinagpaliban ang booster rollout para sa non-immunocompromised children na may edad na 12-17
- Published on June 27, 2022
- by @peoplesbalita
IPINAGPALIBAN ng national government ang pagbibigay ng kauna-unahang COVID-19 booster dose para sa non-immunocompromised children na may edad na 12 hanggang 17 bunsod ng ilang “glitches” sa Health Technology Assessment Council (HTAC).
Ipinaliwanag ni National Vaccination Operations Center (NVOC) chairperson at Health Undersecretary Dr. Myrna Cabotaje na ang HTAC ay gumawa ng kundisyon na ang healthy adolescents na may edad na 12 hanggang 17 ay mabibigyan lamang ng kanilang booster shot kung ang booster coverage para sa senior citizens sa kani-kanilang lugar ay umabot sa 40%.
“We were confident sana na after the immunocompromised, sisimulan na ang rest of the 12 to 17 booster. Kaya nga lang po, may isang recommendation ang HTAC na nakiki-bargain kami. Ang gusto nila, at least 40% ng first booster ng area ay sa senior citizen. Alam naman natin na mababa ang first booster. Scientifically, may basis sila, pero operationally, nahihirapan kami,” ayon kay Cabotaje.
Ang rollout ng unang COVID-19 booster dose para sa immunocompromised minors para sa nasabing age group ay nagsimula, araw ng Miyerkules subalit sa mga ospital lamang dahil sa safety reasons.
Sinabi ni Cabotaje, na nananatili pa rin silang nakikipag-negosasyon sa HTAC kaugnay sa nasabing kondisyon, umaasa na magdedesisyon ito sa loob ng isang araw kung ang booster inoculation para sa non-immunocompromised children na may edad na 12 hanggang 17 ay maaaring magpatuloy “as long as they meet the five-month interval.”
Base sa guidelines ng Department of Health (DOH), ang immunocompromised adolescents na may edad na 12-17 ay maaaring makatanggap ng first booster ng 28 araw matapos ang second dose ng COVID-19.
Samantala, ang non-immunocompromised mula sa parehong age group ay kailangan na maghintay ng limang buwan matapos ang bakuna ng kanilang second COVID-19 dose bago pa sila makakuha ng kanilang unang booster shot. (BISHOP JESUS “JEMBA” M. BASCO)
-
Google, YouTube hinto muna sa pol ads
Pansamantalang ihihinto ng internet giant Google kasama ang sikat na platform na YouTube ang pagtanggap ng mga political ads pagsapit ng ‘campaign period’ sa 2022. Sa pahayag ng Google, epektibo ito sa mga election ads na binayaran sa Google Ads, Display, Video 360. Maging sa mga shopping platforms na pino-promote naman […]
-
Federer handa ng sumabak sa French Open
Kinumpirma ni tennis star Roger Federer ang pagsabak nito sa French Open. Sa kaniyang Twitter account sisimulan nito ang pagsasanay sa pamamagitan ng pagsali sa Geneva Open sa susunod na buwan. Mahigit isang taon kasi na hindi sumali sa French Open ang 39-anyos na Swiss player dahi sa dalawang beses na […]
-
Will Navarro nagtala ng career-high ng talunin ang NorthPort ang Converge 112-97
Hindi pinaporma ng NorthPort BatangPier ang Converge FiberXers 112-97 sa nagpapatuloy na PBA Commissioner’s Cup na ginanap sa Araeta Coliseum. Bumida sa panalo ng NorthPort si William Navarro na nagtala ng 29 points, 17 rebounds at siyam na assists. Nagdagdag naman ng 26 points at 10 assists si Robert Bollick habang […]