• November 22, 2024
  • Search in People's Balita

  • Ang Diyaryong Pinagkakatiwalaan

 

Hamon ni PBBM kay Quiboloy: “Magpakita ka at harapin ang akusasyon laban sa iyo!”

HINAMON ni Pangulong Ferdinand Marcos Jr. si Kingdom of Jesus Christ founder Pastor Apollo Quiboloy na lumutang, magpakita at matapang na harapin ang akusasyon na ibinabato laban sa kanya.
Sa isang ambush interview, hiningan ng reaksyon si Pangulong Marcos ukol sa pagkuwestiyon ng kampo ni Quiboloy sa motibo ng mga indibiduwal na nag-alok ng P10 milyong pabuya para ituro ang kinaroroonan ng Pastor.
Sinabi ng Pangulo na sinusunod lamang nila ang batas sabay buweltang pag-kuwestiyon din sa motibo ng kampo ni Quiboloy.
“He can question their motives as much as they want. But magpakita siya. I question his motives. Let me question his motives,” ang sinabi ng Pangulo.
“Bakit lagi kami kinukuwestiyon? Sinusundan lang namin ang batas. Sundin din niya ang batas. ‘Yun lang,” aniya pa rin.
Sa ulat, inakusahan ng sexual at child abuse si Quiboloy.
Ayon sa Department of Justice (DOJ), si Quiboloy ay nahaharap sa mga kasong paglabag sa Section 5(b) ng Republic Act No. 7610 (Other Sexual Abuse), na nakapokus sa proteksiyon ng mga kabataan laban sa pang-aabuso, exploitation, at diskriminasyon.
May karagdagan pa umanong kaso sa ilalim ng Section 10(a) ng nasabi ring batas (Other Acts of Child Abuse) ang isinampa laban kay Quiboloy, at kina Jackielyn W. Roy, Cresente Canada, Paulene Canada, Ingrid C. Canada, at Sylvia Cemanes.
Inendorso naman ng Davao City Prosecutor’s Office ang reklamo para sa Qualified Trafficking in Persons sa DOJ main office. (Daris Jose)
Other News

  • Eala inihalintulad kay Sharapova

    TUNAY na rising star si Alex Eala na namamayagpag sa mundo ng tennis.     Sariwa pa ito sa matamis na kampeonato sa pres­tihiyosong US Open juniors championships girls’ singles upang tanghaling kauna-unahang Pilipino na nagkampeon sa isang Grand Slam event.     Dahil sa kanyang ta­gumpay, kaliwa’t kanan ang magagandang komento sa Pinay tennis […]

    read more

  • PAUL, iba rin ang naging pasabog sa pag-post ng bagong underwear campaign

    IBA ang naging pasabog ni Paul Salas noong nag-turn 23 years old noong nakaraang Biyernes.     Ito ay ang pag-post niya ng bagong underwear campaign niya for Bench Body.     Pinaglaway ng Kapuso hunk ang mga beki netizens sa bagong sexy pictorial niya kunsaan suot niya ay black and gray underwear.     […]

    read more

  • Pilipinas, nagdagdag pa ng 7 bansa sa red list dahil sa COVID-19 Omicron variant

    PITONG bansa pa ang idinagdag ng Inter-Agency Task Force (IATF) sa travel restrictions hanggang Disyembre 15 dahil sa umusbong na bagong COVID-19 variant Omicron.   Ang mga bansang Austria, Czech Republic, Hungary, The Netherlands, Switzerland, Belgium at Italy ay idinagdag red list.   Nauna nang idinagdag sa red list ang mga South African nations kabilang […]

    read more
People's Balita.
All rights reserved. © Copyright 2024.