Hati ang taga-showbiz sa pag-aresto kay ex-Pres. Duterte: ROBIN, sasamahan si Bato kapag hinuli rin ng ICC
- Published on March 19, 2025
- by @peoplesbalita
PATI ang mga taga-showbiz ay hati sa ginawang pag-aresto sa dating Pangulong Rodrigo Duterte.May mga against pero marami rin naman ang pabor.
Siyempre, ganun na lang ang pagkagulat ng mga masugid na tagasuporta ni Duterte at nabahala sa naturang pagkakaaresto.
Pero marami pa rin namang ang naging positibo ang naging reaksiyon dahil sa wakas daw ay mapagbabayaran na ni FPRRD ang mga kasalanan nito noong siya pa ang nakaupo sa Malacañang.
Kasama na rito ang hindi makakalimutang ginawang pagpapasara ni Duterte sa numero unong TV station noon na ABS-CBN 2.
Kabilang sa talagang vocal na nagpahayag ng kanyang saloobin sa pagkaaresto sa ama ni VP Sara Duterte ay ang aktor na si Jake Ejercito.
Sa Facebook account ni Jake last Tuesday ay ibinahagi ng aktor ang huling salitang binitawan ni Kian Delos Santos bago ito patayin sa gitna ng anti-drug campaign sa Caloocan City, last 2017.
Walang hindi nakakaalam na isa si Kian sa mga menor-de-edad na walang-awang pinaslang ng mga awtoridad kaugnay ng malawakang kampanya ng administrasyong Duterte kontra-droga.
17 years old si Kian nang walang awang pagbabarilin ng pulisya matapos mapagkamalang pusher ng ipinagbabawalang gamot.
Mababasa sa quote card ni Jake na may picture pa ni Kian ang mga katagang…
“Tama na po! Tama na po! May test pa ako bukas…”
May caption pa si Jake sa kanyang post:
“Ang mali ay may bayad, at ngayon na ang singilan.”
Well, knows naman natin na si Jake ay anak ni dating Pangulong Joseph Estrada sa dating aktres na si Laarni Enriquez.
May mga naantig din tiyak sa post naman ng beteranong GMA newscaster na kapwa namin taga-Tondo na si Arnold Clavio.
Sa caption, sinabi ni Arnold na hindi katanggap-tanggap na gawing dahilan ang edad ni Duterte na 79, para kaawaan.
Paano naman daw ang mga menor-de-edad daw na napaslang daw noon sa administrasyon niya na hindi naman nagawang kaawaan ng mga awtoridad.
“EHEM : Sabi nila , “HINDI NA SILA NAAWA KAY DUTERTE , MATANDA NA! “
“Teka , noong WALANG AWA nilang pinatay sina si Kian , 17 yrs. old , si Joshua , 17 yrs. old , si Jemboy , 17 yrs. old , NAAWA ba sila sa mga menor de edad ?” bahagi pa ng post ni premyadong newscaster, huh!
“Sa araw na ito , simula ninyo nang makamit ang katarungan,” dagdag pa niya.
Nais namang mapanagot ni John Lapus si Duterte sa madugo nitong kampanya kontra-droga
Bukod kina Jake, John at Arnold ay marami pa ang nagpahayag ng kanilang suporta sa libu-libong pamilyang humihingi ng katarungan sa pagkamatay ng mga mahal sa buhay noong panahon ng administrasyong Duterte.
***
PINAG-UUSAPAN noon sa mga mga netizens ang naging pahayag noon ni Sen. Robin Padilla na kapag inaresto ang kapwa niya senador na si Ronald “Bato” dela Rosa sakaling isyuhan din ito ng arrest warrant ng International Criminal Court.
Isa ang action star sa mga senador na kilalang kakampi ng dating Pangulong Rodrigo Duterte na nasa Netherlands na ngayon para para sa kasong isinampa sa kanya ng ICC.
Bilang kilalang numero unong taga-pagtanggol ng dating pangulo ay inaabangan ng mga netizens kung anong gagawing hakbang ng asawa ni Mariel Rodriguez.
Bilang lantarang kakampi ng mga Duterte ay inaasahan ng lahat na hindi mananahimik si Robin sa ginawang pag-aresto sa dating pangulo na malaki ang nagawa kung bakit naging number one senator siya.
“Kung huhulihin nila si Bato, isama niyo na ako dahil ako, isa ako sa sumuporta kay Pangulong Rodrigo Roa Duterte diyan sa drug war.
“Walang iwanan nga, e. Sasamahan ko sila kung saan sila, tutal sanay naman tayo sa kulungan. Sa abroad pa, naku, masarap pagkain doon. Okay ‘yon,” ang viral statement ng aktor at public servant!
(JIMI C. ESCALA)
Other News
-
Marami pang tinutulungan hanggang ngayon: KATHRYN, nakapagpatapos sa kasama noon sa ‘Goin’ Bulilit’
IILAN lang ang nakakaalam sa pagiging matulungin ng Kapamilyang aktres na si Kathryn Bernardo. Ayon pa sa tsika sa amin ng isang taga-ABS-CBN na malapit din kay Kathryn ay may mga natulungan siya na mga kasamahan niya dati sa “Goin Bulilit” “Sa totoo lang, ayaw mang ipagsabi , eh, ikinuwento sa amin ng […]
-
VP Sara, natawa
NATAWA na lamang si Vice President Sara Duterte nang malaman niya na iniimbestigahan na siya ng National Bureau of Investigation’s (NBI) hinggil sa paglabag niya di umano sa Anti-Terrorism Act na malinaw na para lamang ma-access ang kanyang ‘assets at mga ari-arian.’ “Natatawa ako sa violations on the anti-terror law kasi sinusubukan nila […]
-
Gustong makakilala ng magiging inspirasyon: KYLIE, hindi na itinanggi na nakikipag-date na siya
SA isang interview kay Kapuso actress Kylie Padilla, natanong kung may bago na siyang lovelife, at hindi naman tumanggi ang bida ng Bolera, na she is presently dating. Biro pa niya, gusto naman niyang makakilala ng bagong pwedeng maging inspirasyon. At halata sa kanyang mga ngiti na masaya si Kylie. Pero hindi siya […]