• February 21, 2024
  • Ang Diyaryong Pinagkakatiwalaan

HEALTH SEC DUQUE, ‘SABLAY’ SA PFIZER VACCINE

“There’s no such a thing as somebody dropping the ball. It is really an ongoing negotiation,” ani Duque sa isang press briefing nitong Miyerkules.

 

Agad dumepensa si Health Sec. Francisco Duque III mula sa kontrobersyal na online post ni Foreign Affairs Sec. Teodoro Locsin Jr. na naglantad sa isang opisyal na humarang umano sa dapat sana’y maagang pagdating ng Pfizer COVID-19 vaccines sa bansa.

 

Sa isang online post nitong Martes, hindi naitago ni Locsin ang pagkadismaya dahil sa tila nasayang na panliligaw nila ni Philippine Ambassador to the United States Jose Manuel Romualdez sa World Bank at Asian Development Bank para sagutin ang pagbili ng 10-milyong supply ng naturang bakuna.

 

“We—Babe Romualdez and I—got 10 million doses of Pfizer financed by World Bank and ADB to be shipped thru FEDEX to Clark in January,” ayon sa Department of Foreign Affairs secretary.

 

“BUT SOMEBODY DROPPED THE BALL. I have steel ball bearings. I just need a slingshot.”

Walang kinaladkad na pangalan si Locsin sa kanyang post, pero nagpaabot ng paliwanag si Duque tungkol sa issue.

 

Ayon sa kalihim ng DOH, huli na nang malaman niya na kailangan din pala ng kanyang lagda sa dokumento ng kasunduan ng gobyerno at Pfizer.

 

“The DOH went to the process of iteration, ito yung pabalik-balik na tinitingnan yung mga conditionalities na kasali sa confidentiality disclosure agreement (CDA).”

 

“September 24 lang nang naabisuhan kami ng Pfizer na sinasabi na ang utos ng Office of Executive Secretary (OES), ay DOH na ang lalagda, hindi na OES at DOST (Department of Science and Technology).”

 

Agad naman daw pinirmahan ng Health secretary ang dokumento nang matanggap at mapag-aralan ang nilalaman nito.

 

“Tuloy-tuloy lang kami sa reviews ng mga conditionalities and I just wanted to make sure na hindi disadvantageous sa government yung mga provisions… after September 24, on October 20, on the day that this was submitted to me, I signed it already.”

 

Sa isang online article, sinabi ni Ambassador Romualdez na tuloy pa rin naman ang pagdating ng Pfizer vaccines. Hindi nga lang sa target ng Enero 2021, dahil hindi raw agad naaksyunan ng pamahalaan ang requirements.

 

Bukod sa Pfizer, may tina-trabaho na rin daw sila ni Sec. Locsin na kasunduan sa isa pang American pharmaceutical company na Moderna.

 

“Only pushed back to a later date of delivery possibly June next year because we did (not) act quick enough on the CDA. Other countries got ahead of us like Singapore,” ani Romualdez sa artikulo ng CNN Philippines.

 

“We are ‘work in progress’ with Pfizer & Moderna for supply of vaccines. If we commit soon we can possibly get delivery by mid next year.”

 

Lumutang ang issue ng Pfizer vaccines sa gitna ng mga kwestyon sa interes ng pamahalaan sa bakunang gawa ng kompanyang Sinovac mula China. Sa kabila kasi ng kulang pang datos sa safety at efficacy ng kanilang bakuna, pursigido ang gobyerno na dalhin ito sa Pilipinas sa unang quarter ng 2021.

 

Ayon kay Vaccine czar Sec. Carlito Galvez, pina-plantsa na ng kanyang hanay ang kasunduan para sa supply ng COVID-19 vaccine mula sa naturang Chinese company.

 

“We want to finalize this week (the) negotiations so that we can firm up the head of terms and also we are looking at the exact time of the distribution,” Galvez said in a televised press briefing Monday.” (DARIS JOSE)

Other News
  • Hanga rin sa pagiging mahusay na actress: JOSEPH, inamin na crush niya noon pa si RYZA

    SA Miyerkules, March 15 na ipalalabas ang pelikulang “Kunwari… Mahal Kita” na pinagtatambalan nina Ryza Cenon at Joseph Marco.       In fairness, sa title pa lang, interesting na ang movie. Masipag mag-promote ang dalawa dahil ang movie ay independently produced at distributed lamang ng VIVA Films.       Aliw kami kina Ryza […]

  • GERALD, nakatikim na naman ng panglalait mula sa netizens matapos mag-comment sa IG post ni DIEGO

    NA-BASH nang husto si Gerald Anderson nang mag-comment sa IG post ng kaibigan na si Diego Loyzaga few days ago na, “I promise to keep that smile on your face @msbarbieimperial.” Na kung saan mahigpit na yakap-yakap niya ang girlfriend na si Barbie Imperial. Reaction ni Gerald, “Sa th3rd floor mo ata natutunan mga ganyan […]

  • Makakasama muli sina Vic, Sylvia at Martin: ICE, kinakabahan pa rin kapag may big concert

    MADAMDAMIN ang last taping day ni Dennis Trillo para sa hit serye na Maria Clara At Ibarra.   Gumanap siya sa serye bilang Crisostomo Ibarra sa unang bahagi ng serye, kung saan inilahad ang kuwento ng nobela ni Jose Rizal na Noli Me Tangere. Nang tumawid ito sa kuwento ng ikalawang nobela ni Rizal na El Filibusterismo, agad […]