Hidilyn reyna pa rin ng SEA Games
- Published on May 23, 2022
- by @peoplesbalita
UMISKOR ang Pilipinas ng tatlong gintong medalya sa pamumuno ni Tokyo Olympics gold medalist Hidilyn Diaz sa weightlifting sa 31st Southeast Asian Games sa Hanoi, Vietnam kahapon.
Nagtala ang 30-anyos na si Diaz ng total lift na 206 kilograms mula sa 92kgs sa snatch at 114kgs sa clean and jerk para muling manaig sa women’s 55-kilogram event kung saan siya nanalo noong 2019 Manila edition.
Binigo ng tubong Zamboanga City sina 2016 Rio de Janeiro Olympics gold medal winner Sanikun Tanasan ng Thailand at Natasya Beteyob ng Indonesia na nagtala ng 203kgs at 188kgs, ayon sa pagkakasunod.
Inangkin naman ni Fil-Jap judoka Shugen Nakano ang ginto matapos talunin si hometown favorite Hoang Phuc sa finals ng men’s -66kg category.
Wagi ang Team Philippines-Sibol sa Indonesia, 3-1, sa best-of-five finals series ng Mobile Legends: Bang Bang.
Ito ang ikalawang ginto ng Pinas sa esports matapos manalo ang all-female Grindsky Eris sa Wild Rift.
Inaasahang dadami pa ang medalya ng Pinas, may 43 golds, 59 silvers at 80 bronzes, na nasa ilalim ng overall champion Vietnam (163-97-92), Thailand (65-73-105), Indonesia (47-67-63) at Singapore (47-44-62).
Nakatiyak ang bansa ng dalawang gold matapos itakda nina men’s 9-ball singles winner Johann Chua at Carlo Biado at women’s 9-ball singles queen Rubilen Amit at Chezka Centeno ang kani-kanilang 10-ball finals.
Sigurado na rin ang ginto sa pagharap nina Pinoy netters Francis Casey Alcantara at Jeson Patrombon sa mga kababayang sina Treat Huey at Ruben Gonzales sa men’s doubles finals.
Ginto rin ang target rin nina Tokyo Olympic bronze medalist Eumir Marcial (middleweight), Rogen Ladon (flyweight) at Ian Clark Bautista (featherweight) sa pag-usad sa finals ng boxing.
Nag-ambag ng silver sina judoka Khrizzie Pabulayan (women’s -52kg) at Carlo Von Buminaang (vovinam men’s 65kg).
Humataw si tennis sensation Alex Eala ng tatlong bronze medals sa women’s singles, women’s team event at mixed doubles.
Nakuntento sa bronze ang women’s beach volleyball team nina Sisi Rondina, Bernadeth Pons, Jovelyn Gonzaga at Dij Rodriguez at ang men’s squad nina Jude Garcia, Jaron Requinton, Krung Arbasto at Ranran Abdilla.
Sa chess, isinulong ni WGM Janelle Mae Frayna ang tanso sa women’s individual blitz.
-
‘Triangle of Sadness’ Premieres at QCinema Ahead of Nov. 30 Nationwide Release
TBA Studios is bringing the critically acclaimed satirical dark comedy film Triangle of Sadness to the QCinema International Film Festival 2022, premiered as the festival’s opening film last November 17 at Gateway Cineplex in Quezon City. While the premiere is by invitation, moviegoers can still catch the second screening of Triangle of Sadness […]
-
Dalagita, 3 pa, tiklo sa P.3M halaga ng shabu
NASAMSAM ng mga awtoridad ang mahigit sa P.3 milyon halaga ng shabu sa apat katao kabilang ang isang 17-anyos na dalagita matapos masakote sa drug buy-bust operation sa Caloocan City, kahapon ng madaling araw. Kinilala ang mga naarestong suspek na sina Vincent Young, 25, istambay, Pamela Atienza, 21, saleslady, kapwa ng Brgy. 14, Paul […]
-
Sinopharm booster, walang side effects kay PDu30- Nograles
HINDI nakaranas ng kahit na anumang masamang epekto si Pagngulong Rodrigo Roa Duterte matapos na makatanggap ng kanyang Sinopharm booster shot laban sa COVID-19. Ito’y sa kabila ng wala pang data ang makapagpapakita na ang Sinopharm ay “appropriate booster.” “Wala naman pong masamang epekto kay President Duterte [ang Sinopharm] sa pagkakaalam […]