Higit 19K bagong kaso ng COVID-19, naitala ng DOH
- Published on August 31, 2022
- by @peoplesbalita
NAKAPAGTALA ang Pilipinas ng 19,262 bagong kaso ng COVID-19 nitong Agosto 22-28.
Batay sa National COVID-19 case bulletin na inilabas ng DOH nitong Lunes, mayroong average na 2,752 kaso na naitatala kada araw sa nakalipas na linggo.
Mas mababa na ito ng 19% kumpara sa mga kasong naitala mula Agosto 15-21.
Nasa 110 na kaso naman ang nadagdag sa ‘severe at critical’ na kundisyon, habang naitala sa 316 ang bagong nadagdag sa mga nasawi ngunit 94 lamang dito ang nangyari mula Agosto 15-28.
Sa healthcare utilization, 807 pasyente o 10.5% ng kabuuang COVID-19 admissions ang nasa ‘severe at critical’ na kundisyon.
Nakapagtala ng 28.1% ‘non-ICU bed utilization’ kung saan 5,986 sa 21,287 na higaan ang okupado. Nasa 24.9% naman ang ‘ICU bed utilization’ kung saan 635 sa 2,551 higaan may lamang mga pasyente.
Umabot na sa 92.80% ng ‘target population’ ang ‘fully-vaccinated’ na katumbas ng 72,476,610 bakunado.
Nasa 17,843,348 naman ang nakapagpaturok ng unang booster shot.
-
LTO hindi maglalabas ng mga na-impound na colorum na sasakyan hanggang walang kautusan ang korte
Tanging korte lamang ang maaring magbigay ng kautusan para mabawi ang mga nakumpiskang colorum na sasakyan. Sinabi ng Land Transportation Office (LTO), na hindi sila basta naglalabas ng mga nakumpiskang colorum na sasakyan kahit na nakapagbayad na ang mga operators ng mga multa. Giit ni LTO chief […]
-
Maglilimang taon nang loveless: MARTIN, happy naman dahil tuloy ang pakikipag-date
MASAYA at ikinagulat pala ni Martin del Rosario na panggabi ang serye nilang Asawa Ng Asawa Ko. “Siyempre proud kasi unexpected, e! “Alam namin lahat na Afternoon Prime kami tapos biglang GMA Telebabad, so something to be proud of, di ba,” saad ni Martin. May dream role pa ba siya? […]
-
DOTr: “No vax, no ride” sa NCR ipatutupad
Simula sa susunod na linggo, ang mga pasaherong walang bakuna ay hindi na papayagan na sumakay sa mga pampublikong transportasyon habang ang Department of Transportation (DOTr) ay magpapatupad ng “no vaccine, no ride” na polisia sa National Capital Region (NCR). Nilagdaan ni DOTr Secretary Arthur Tugade noong nakarang Martes ang isang Department […]