• May 26, 2024
  • Ang Diyaryong Pinagkakatiwalaan

Hindi pa rin lusot ang mga board members dahil magkakaroon ng hiwalay na asunto laban sa mga ito

INAPRUBAHAN na ng House Committees on Public Accounts at Good Government and Public Accountability ang committee report ng ginawang imbestigasyon patungkol sa isyu ng graft and corruption sa PhilHealth.

 

Ayon kay Public Accounts Chairman Mike Defensor, aprubado na ang committee report “subject to amendments” dahil ipapasok pa ang mga irerekomendang panukala ng mga mambabatas para sa pagsasaayos ng sistema ng PhilHealth.

 

Kasama sa mga rekomendasyon ay ang pagsasampa ng kasong kriminal kina Health Secretary Francisco Duque III at dating PhilHealth President Ricardo Morales dahil sa iligal na pagre-release ng pondo sa sinuspindeng Interim Reimbursement Mechanism (IRM).

 

Kasama rin sa mga pinakakasuhan sina Labor Secretary Silvestre Bello III, Social Welfare Secretary Rolando Bautista, Budget Secretary Wendel Avisado, Finance Secretary Carlos Dominguez III dahil ang mga ito ay miyembro ng PhilHealth board.

 

Bago ang nangyaring pag-apruba sa committee report ay nagkaroon muna ng botohan sa omnibus motion ni Good Government and Public Accountability Chairman Jose Antonio Sy-Alvarado kung saan inaabsuwelto ang PhilHealth Board members sa lahat ng mga kasong isinampa ng mga komite laban sa PhilHealth.

 

Kabilang dito ang pag-absuwelto sa mga miyembro ng PhilHealth board sa implementasyon ng All Case Rate System.

 

Ang mga kasapi naman ng executive committee na pangunahing in-charge sa pagpapatupad ng all case rate system ang siyang makakasuhan.

 

Sinabi naman ni Defensor na hindi pa rin naman lusot ang mga board members dahil magkakaroon naman ng hiwalay na asunto laban sa mga ito.

 

Magkagayunman, ibinasura ng panel ang mosyon kasabay ng pag-apruba sa committee report na isasalang pa sa amendment. (Ara Romero)

Other News
  • Sotto sinimulan na ang NBAGL training

    NAKASAMA na ni Kai Zachary Sotto at mga kakampi sa National Basketball Association Gatorade League (NBAGL)  Select Team para sa training camp sa nakatakdang magbukas sa taong ito na 19th NBA G League 2020-21 sa Amerika.   Ipinost ng 18-anyos, 7-2 ang taas na Pinoy cage phenom sa kanyang Instagram account na nasa Walnut Creek, […]

  • 12-point program para sa Agrikultura, isinuwestiyon kay Pangulong BBM

    IPRINISINTA ng grupong Kilusang Magbubukid ng Pilipinas (KMP) ang kanilang 12-point program para sa agriculture sector na maaaring ipatupad sa unang 100 araw ni Pangulong Bongbong Marcos.     Ang pagsiguro sa agricultural land para sa food production ay isa sa dapat unahin ng bagong administrasyon.     Hinikayat ng grupo ang pangulo na magpalabas […]

  • DOLE: Libreng bike sa ‘economic frontliners’ na magpapabakuna

    Magbibigay ang Department of Labor and Employment (DOLE) ng libreng bisikleta sa mga ‘economic frontliners’ o kabilang sa A4 category na makakakumpleto ng dalawang dose ng bakuna kontra COVID-19 umpisa sa buwan ng Hulyo.     Inisyal na maglalabas ng 2,000 bisikleta ang DOLE-Bureau of Workers with Special Concerns (BWSC) sa ilalim ng programang “BakSikleta”. […]