House hearings sa ABS-CBN ‘lutong makaw’
- Published on July 30, 2020
- by @peoplesbalita
Mistulang lutong makaw umano ang naganap na pagdinig ng House committee on legislative franchises na kung saan “predetermined” na ang desisyon sa ginawang pagbasura sa aplikasyon ng ABS-CBN para sa franchise renewal.
Ito ang naging pagtingin ng ilang kongresista sa 40 pahinang report ng technical working group (TWG) na inirekomendang ibasura ang prangkisang hinihingi ng ABS-CBN na sinasabing nakahanda na ang nasabing dokumento bago pa matapos ang pagdinig ng komite.
Dahil dito, marapat lamang na talakayin ang naturang isyu sa plenaryo para sa pinal na desisyon.
“It was a clear case of railroading,” ayon kay Buhay partylist Rep. Lito Atienza na kumukuwestiyon sa legalidad ng nasabing report.
Ani Atienza, napaka-imposible na matapos sa loob lamang ng isang gabi ang 40-pahinang dokumento para i-summarize ang 12-araw na pagdinig at testimonya ng mga saksi bukod pa sa araw ng pagbubuod nito.
Nangangamba rin si Atienza na malalagay sa balag ng alanganin ang bansa kung ang mga kongresista ay kumikilos bilang “prosecutors, judge, jury at executioner.”
Sa botong 70-11 noong Hulyo 10 ay nabasura ang prangkisa ng ABS-CBN kung saan inaprubahan ang rekomendasyon ng three-man TWG na sina Reps. Pablo John Garcia (Cebu City), Xavier Jesus Romualdo (Camiguin) at Stella Quimbo (Marikina), Quimbo.
Iginiit naman ni Rep. Lawrence Fortun (Agusan del Norte) na kailangang talakayin sa plenaryo ang resolusyong ginawa ng komite upang makalahok ang may 305 mambabatas sa pagtalakay at maipaliwanag ang ginawang pagbasura sa prangkisa ng ABS-CBN.
-
Mahigit 1.2-M reserve force nakahandang tumulong sa mga giyera at kalamidad
MAYROONG mahigit 1.2 milyon reserve force ang bansa na aasahan sa panahon ng matinding kalamidad at giyera. Sinabi ni Vice Admiral Rommel Reyes, ang deputy chief of staff ng Armed Forces of the Philippines (AFP) na ang nasabing bilang ay maaring imobilize. Dumalo si Reyes sa pagdinig ng Senate committee on […]
-
Ravena inalok na maglaro sa liga ng Japan – Guiao
Ibinunyag ni NLEX head coach Yeng Guiao na inalok ang kanilang point-guard na si Kiefer Ravena na maglaro ng basketball sa Japan. Sinabi nito na nagkaroon sila ng masinsinang pag-uusap ni Ravena noong Disyembre tungkol sa nasabing alok. Dagdag pa nito na makailang beses na siyang kinausap ni Kiefer tungkol sa offer. […]
-
2 tulak isinelda sa P139K shabu sa Valenzuela
SA loob ng kulungan nagdiwang ng Pasko ang dalawang hinihinalang tulak ng illegal na droga, kabilang ang isang bebot matapos makuhanan ng mahigit P.1 milyon halaga ng shabu sa buy bust operation sa Valenzuela City. Kinilala ni District Drug Enforcement Unit (DDEU) chief PLt Col. Renato Castillo ang naarestong mga suspek bilang sina […]