Ilang kaso ng UK variant at South African variant naitala sa Navotas
- Published on March 24, 2021
- by @peoplesbalita
Inanunsyo ni Navotas City Mayor Toby Tiangco na may sampung kumpirmadong kaso ng B.1.1.7. o UK variant ng COVID-19 sa lungsod at isa naman ang merong B.1.351 o South African variant, ayon sa pinakahuling report ng Department of Health.
Ayon kay Tiangco, kabilang sa mga barangay na may ganitong mga kaso ang Brgy. Bagumbayan South, Daanghari, Navotas East, Navotas West, NBBS Kaunlaran, San Jose at Sipac Almacen.
Lahat aniya ng mga pasyente ay naka-isolate na at ang kanilang mga close contacts ay natukoy at naka-isolate na rin.
Sabi ng alkalde, ang mga variant na ito ay mas madaling naipapasa kaya maaaring isa ito sa mga sanhi ng mabilis na pagdami ng mga kaso ng COVID-19 sa lungsod kaya’t kailangan aniya ang dobleng pag-iingat.
“Kung bata pa at malakas ang katawan, hindi man natin iindahin ang sakit kung tayo ang mahahawaan, maaari namang severe o critical ang epekto nito sa ating mga mahal sa buhay na matatanda na o may sakit”, ani Mayor Tiangco.
“Protektahan natin ang ating kalusugan dahil kaugnay nito ang pagprotekta natin sa ating kabuhayan. Kailangan natin ang malusog na pangangatawan para makapaghanapbuhay para matustusan ang pangangailangan ng ating pamilya. Mag-ingat po at sumunod sa safety protocols para hindi mahawaan o makahawa sa iba,” paalala niya. (Richard Mesa)
-
TONI, ni-reveal na si PEPE ang leading man sa ‘My Sassy Girl’; 2006 pa gustong gawin ang remake
KATULAD ng pinangako ng TinCan Films, magkakaroon ng separate announcement sa magiging leading man ni Toni Gonzaga, matapos na I-reveal na ang tv host/actress ang gaganap sa title role ng Philippine remake ng South Korean hit romcom movie na My Sassy Girl. Sa naturang production outfit nina Toni, in-announce na sa official Facebook […]
-
PBBM, aprubado ang plano ng DTI na paghusayin ang food distribution sa Pinas
APRUBADO ni Pangulong Ferdinand Marcos Jr., ang estratehiya ng Department of Trade and Industry (DTI) na mapahusay ang food logistics sa Pilipinas. Ayon sa Presidential Communications Office (PCO), tinalakay ng Pangulo ang plano sa isang pulong sa Palasyo ng Malakanyang kasama ang mga opisyal ng DTI, Department of Interior and Local Government (DILG), […]
-
Mahigit 10-M Ukrainians nakaalis na sa kanilang bansa simula nang lusubin ng Russia ang Ukraine
NASA mahigit 10 milyon na mga Ukrainians na ang iniwan ang kani-kanilang mga tahanan para umalis sa bansa simula nang lusubin ito ng Russia. Ayon kay UN Humanitarian Affairs Deputy Emergency Coordinator Joyce Msuya, mahigit sa kalahati ng populasyong ito ay pawang mga kabataan. Aabot sa 6.5 milyon sa mga ito […]