Ilang lugar sa Metro Manila, Bulacan, Laguna at Rizal binaha dahil sa bagyo at habagat… Mahigit 2.4K pasahero sa mga pantalan sa PH, stranded dahil sa bagyong Enteng – PCG
- Published on September 3, 2024
- by @peoplesbalita
NA-STRANDED ang nasa mahigit 2,400 pasahero sa mga pantalan sa Pilipinas matapos kanselahin ang ilang biyahe sa dagat dahil sa epekto ng bagyong Enteng.
Base sa pinakahuling ulat ng PCG Command Center kaninang 4AM, nakapagtala na ng kabuuang 2,413 pasahero, truck drivers at cargo helpers na na-stranded sa Southern Tagalog, Bicol at Eastern Visayas.
Pansamantalang natigil din ang biyahe ng 39 na barko, 610 rolling cargoes at 4 na motorbancas habang 15 barko at 28 motorbancas ang nakikisilong pansamantala sa ibang mga pantalan.
Samantala, sa isang statement sinabi ng PCG na nakaantabay ang kanilang deployable response group at quick response team sa iba’t ibang Coast Guard District sa pagtulong sa mga ahensiya na nangunguna sa rescue operation at evacuation.
Naghahanda na rin ang mga miyembro ng PCG Auxiliary para agarang makapamahagi ng relief supplies at iba pang pangangailangan ng mga apektadong pamilya sa mga lugar na apektado sa kasagsagan ng sama ng panahon.
Nakabantay din ang PCG sa operasyon ng mga sasakyang pandagat 24/7 para maiwasan ang anumang insidente sa karagatan.
Sa ilang parte ng bansa partikular na sa Northern Samar, iniulat ng PCG na nitong Linggo, halos 40 residente doon ang inilikas ng Coast Guard rescuers kasunod ng naranasang pagbaha sa Barangay Sabang II at Barangay Jubasan.
Samantala, ilang lugar sa Metro Manila, Bulacan, Laguna at Rizal binaha dahil sa bagyo at habagat.
Nakaranas nang pagbaha ang ilang bahagi ng Metro Manila nitong Lunes, Setyembre 2, 2024.
Bunsod ito ng mga pag-ulan dahil sa bagyong Enteng at habagat.
Ilang sasakyan naman ng Metropolitan Manila Development Authority (MMDA) ang nai-deploy para respondehan ang mga stranded na byahero. (Daris Jose)
-
Access to Medicines Summit 2024: Building Bridges to Build A Blueprint for Collaborative and Innovative Access to Medicines for a Future of Equitable Healthcare
− The summit convened more than 100 key stakeholders and 32 influential speakers from government sectors, private entities, academia, and medical advocacy groups across the region. − The summit aimed to showcase successful efforts in improving access to medicines, foster collaboration opportunities, initiate the development of a roadmap for stronger access to […]
-
Presyo ng swab o PCR test, bagsak-presyo Malakanyang
TINIYAK ng Malakanyang na ibaba ang presyo ng COVID swab test sa ilalim ng bagong approach na inilalatag ng pamahalaan laban sa Corona virus. Ito’y bunsod na rin ng ikakasang pool testing na kung saan, ang isang PCR testing kit ay kayang paghati- hatian at gamitin ng sampu hanggang 20 indibidwal. Ayon kay Presidential spokesman […]
-
Ilang kaibigang medical workers ni Sec. Roque, naturukan na ng bakuna laban sa COVID-19
KUMBINSIDO ang Malakanyang na kailangan na mabakunahan na ang lahat ng mga Filipino laban sa Covid-19. Ito’y kasunod ng naibahaging balita ng isang kaibigan ni Presidential Spokesperson Harry Roque na nasa medical field at sumalang na sa vaccination program ng pamahalaan. Aniya, nakatanggap siya ng text kamakailan mula kay Dra. Menguita Padilla na […]