• June 21, 2024
  • Ang Diyaryong Pinagkakatiwalaan

Indemnification bill, inaasahang titintahan ni PDu30 – Sec. Roque

INAASAHAN na mapipirmahan na anumang oras ngayong araw ni Pangulong Rodrigo Roa Duterte ang Memorandum Order kung saan 50% limit on advanced payment sa pagbili ng mga bakuna kontra Covid -19 ay papayagan na.

 

Sinabi ni Presidential Spokesperson Harry Roque na dahil sa MO na ito ay makakabayad na aniya ng advanced payment ang mga lokal na pamahalaan na bumili ng kanilang mga bakuna.

 

Inaasahan din na mapipirmahan ang certification of urgency ng mga nakabinbin na indemnification bill.

 

Ang kopya  ng mga nasabing dokumento ay ipamamahagi sa mga miyembro ng media kapag mayroon na aniya silang kopya.

 

Nilinaw ni Sec. Roque, na sa ngayon ay wala pang mga commercial used authorization ang kahit na anumang bakuna at nasa emergency used authorization (EUA) pa lamang ang Pilipinas.

 

At dahil aniya na sa EUA ay hindi pa talaga sigurado kung ano ang magiging side effects ng mga bakuna.

 

Kaya kinakailangang magkaroon muna ng no fault indemnification.

 

“Magkakaroon po tayo ng pondo at ang suggestion na inaprubahan na ni (Finance) Sec. (Sonny) Dominguez ay P500 million. At itong P500 million, dyan natin kukunin po lahat ng danyos na hihingin nung mga tao na di umano’y magkakaroon ng side effect dahil po sa mga bakuna,” ayon kay Sec. Roque.

 

“Bakit po no fault ang tawag dyan. no fault po kasi dahil sa ating batas.. bago ka makakuha ng danyos ay kinakailangan ay mayroong fault o negligence, pagkakamali o pagpapabaya. Pero hindi na po kinakailangan pruwebahan ang kapabayaan or ang pagkakamali. Basta mayroon kang ipinakitang side effect, bayad kaagad. Sa ganitong paraan, ay magagamit  natin iyong mga bakuna na alam natin na sa ngayon ay ligtas at epektibo. Eh bakit naman tayo maghihintay hanggang magkakaroon ng commercial used authorization eh nandiyan na nga iyong mga bagong variant na mas nakahahawa at mas nakamamatay. So, ibig sabihin nito, gamitin na natin ang mga bakunang ito maski EUA pa lamang dahil sila po ay epektibo naman na dahilan para maiwasan o hindi magkasakit ang ating mga kababayan,” litaniya ni Sec. Roque.

 

Kung mayroon namang side effect ay may pondo naman na mapagkukuhanan para bigyan ng danyos ang mga taong posibleng magkaroon ng side effect na hindi na kinakailangan na pumunta pa sa korte.

 

Kaya nga, inaasahan ng Malakanyang na kapag nalagdaan na  ang indemnity agreement ay magkakaroon na ng kumpiyansa ang taumbayan dahil kapag nadanyos aniya ang mga ito ay hindi na sila maghihirap sa pagkakaso dahil batid naman ng lahat na napakatagal ng kaso-kaso sa Pilipinas.

 

Sa indemnity agreement ay bayad agad kung mayroon ang mga itong side effects.

 

At para naman  sa mga vaccine manufacturers ay kampante naman  ang mga ito na naiintindihan ng lahat na EUA pa lamang ang hawak ng mga ito at hindi dapat maidemanda ang mga ito kung may mga side effects na biglang lumabas.(Daris Jose)

Other News
  • 1.2-B HALAGA NG IBA’T IBANG URI NG DROGA WINASAK NG PDEA

    WINASAK ng Philippine Drug Enforcement Agency ang may halos isang tonelada ng iba’t ibang uri ng droga at mga kemikal na gamit sa paggawa ng mga ito na kanilang nasamsam sa iba’t ibang operasyon. Umaabot sa halagang P1,295,050,354.65 ang mga winasak na droga sa pamamagitan ng thermal composition o pagsunog sa isang makina sa may […]

  • Ads December 30, 2020

  • Kaya masayang-masaya ang AlDub fans: ALDEN at MAINE, muling nagkasama bilang endorsers at nag-shoot din ng TVC

    MASAYANG-MASAYA at labis ang pasasalamat ng mga fans ng phenomenal love team nina Alden Richards at Maine Mendoza, na after ng huling endorsement nila na isang delivery service, ay muli silang magkasama ngayon.      Naging endorser din sila ng isang selling app, pero photo shoots lamang iyon at minsan silang nagkasama sa monthly live […]