Independent panel na mag-iimbestiga sa mga naganap na summary executions noong drug war, pinabubuo
- Published on October 19, 2024
- by @peoplesbalita
HINIKAYAT ni House Minority Leader Marcelino “Nonoy” Libanan si Presidente Marcos na magbuo ng isang independent fact-finding commission na siyang mag-iimbestiga sa extrajudicial killings na may kaugnayan sa kontrobersiyal na war on drugs noong nakalipas na administrasyon.
“We urge the President to form a panel – similar to the Agrava Fact-Finding Board – that will probe the summary killings and identify all individuals who may be held criminally liable. Just like the Agrava board, the proposed commission should be independent from the legislative and executive branches of government,” dagdag nito.
Ayon sa mambabatas, bubuuin ito dapat ng mga indibidwal na kilala sa pagiging patas at walang kinikilangan o maay halong pulitika.
Ang five-member Agrava Fact-Finding Board ang nagsagawa ng imbestigasyon sa nagananap na asasinasyon noong August 21, 1983 ni dating Senador Benigno “Ninoy” Aquino Jr. sa Manila International Airport.
Pinangunahan ito ng unang woman judge ng bansa na si retired appellate court Justice Corazon Agrava, kasama ang abogadong si Luciano Salazar, businessman Dante Santos, educator Amado Dizon, at labor leader Ernesto Herrera, na naging senador sa huli.
Sa loob ng 11 buwan, dininig ng board ang testimonya mula sa 194 saksi at nagsagawa ng 146 public hearings at binusisi ang mahigit sa 1,400 photographic exhibits.
Naging konklusyon ng board na si Aquino ay pinatay sa isang military conspiracy sa pangunguna ni noon ay Armed Forces of the Philippines (AFP) Chief of Staff Gen. Fabian Ver.
Noong 1990, hinatulan ng Sandiganbayan ang 16 sundalo, kabilang na si Brig. Gen. Luther Custodio ng double life imprisonment dahil sa pagpatay kay Aquino at sa fall guy na si Rolando Galman. Si Ver ay namatay sa Thailand noong 1998. (Vina De Guzman)
-
Panibagong challenge ang pagpasok niya sa politics: ANGELU, masuwerteng nasa ticket ni Mayor VICO kaya ‘di nahirapang manalo
ANG ganda-ganda ni Angelu de Leon sa suot niyang blue terno na siya ay manumpa bilang member ng city council ng Pasig City. Nagsimula ang term of office ni Angelu bilang newbie konsehala noong July 1. Panibagong challenge kay Angelu ang pagpasok niya sa politics. Having seen her grow up mula […]
-
BEA, blooming at kitang-kita na masaya na kay DOMINIC; netizens natuwa sa photo na magkasama
MARAMI ang natuwang netizens nang sa wakas makitang magkasama ang Kapuso actress na si Bea Alonzo at ang rumored boyfriend na si Dominic Roque sa baby shower ng anak ng dating aktres na si Beth Tamayo. Lumabas nga ang photo at video ng celebrity couple na kuha sa naganap na baby shower para […]
-
DOH, inilunsad ang Immunization Capmaign
INILUNSAD ng Department of Health-Metro Manila Center for Health Development (DOH-MMCHD) ang catch-up immunization campaign upang mabakunahan ang 107,995 bata laban sa vaccine-preventable diseases. Target ng inisyatiba na mabakunahan ang nasa edad 0-23 buwan sa National Capital Region (NCR) na nakaligtaang bakunahan ng BCG vaccine, hepatitis B, Bivalent oral polio vaccine (bOPV) ,pentavalent vaccine,pneumococcal […]