• March 17, 2025
  • Ang Diyaryong Pinagkakatiwalaan

Isa namang pangarap niya ang natupad: JUDY ANN, kinilig nang husto nang maka-bonding ang world-renowned chef na si GORDON

DREAM come true para kay Judy Ann Santos ang pagkikita nila ng world-renowned chef at TV personality na si Gordon Ramsay.
Super proud nga si Juday sa ilang moments, bilang naka-bonding niya rin ito sa meet-and-greet event ng iconic chef dito sa Pilipinas.
Sa kanyang Instagram post kasama ang short video, “Kinikilig ako kapag iniisip ko. Thank You, Lord, sa pagkakataong ito, I’m happy to be here.  I want my kids to be proud of me.  Pangarap ko ’to.”
Say pa ni Juday, hindi pa rin siya makapaniwala, tatlong araw daw siyang ‘di nakatulog.  Para raw isang game show tulad ng pinapanood nila.
Sayang lang at wala sina Lucho at Yohan, pero nandun naman si Luna.
Isa nga si Judy Ann sa celebrity guests ni Gordon, kasama ang food influencer na si Ninong Ry at sila ang sumabak sa mala-Masterchef challenge kung saan ay ipinagmalaki nila ang sarili nilang bersyon ng Halo-Halo.
“It was Chef Juday’s honor to prepare her version of halo-halo for Gordon Ramsay to taste and know of,” sabi naman ng premyadong aktes sa kanyang Facebook page.
Kasunod niyan ang ilang pictures na makikitang nag-uusap ang dalawa habang nagpe-prepare si Juday ng Halo-Halo.
“In action for Gordon Ramsay in Manila – our lovely Chef Judy Anne,” caption sa post.
Dagdag pa, “Preparing and conversing about a dish with Gordon Ramsay is a dream come true moment.”
Hindi naman nagpahuli ang bunsong anak ni Juday at Ryan Agoncillo na nalapitan din mismo si Gordon upang ibigay ang kanyang drawing na pinapirmahan pa sa kanya.
“Aw, Thank you Luna, I love that,” sabi ng sikat na chef kay Luna.
“Our bunso, Luna bunny, made drawings of Gordon Ramsay’s famous comments,” say pa ni Juday.
Si Gordon ay ang sikat na chef na nagmamay-ari ng ilang Michelin-starred restaurants kabilang na ang Restaurant Gordon Ramsay sa United Kingdom at ang Le Pressoir d’Argent sa Bordeaux.
Bukod diyan ay may restaurant din siya sa Singapore, UAE, Japan, at siyempre, dito sa Pilipinas.
***

SA ika-apatnapung taon ng Movie and Television Review and Classification Board (MTRCB), muling tiniyak ng Board ang pagsusulong sa mandato nitong proteksyunan ang pamilya at kabataang Pilipino sa pamamagitan ng responsableng regulasyon sa media at patuloy na pagsuporta sa industriya ng pelikula at telebisyon sa bansa.

Ipinahayag ni MTRCB Chairperson and CEO Lala Sotto-Antonio ang malalim na dedikasyon ng Board na maihatid sa publiko ang tamang impormasyon at responsableng paggamit ng media na siyang may malaking parte sa paghubog ng lipunan.

“Ngayong 2025, mananatili po tayong matatag sa ating misyon na maisulong ang responsableng panonood para sa kapakanan ng pamilyang Pilipino,” sabi ni Sotto-Antonio.

“Atin din tinitiyak ang patuloy na pagsuporta sa industriya ng paglikha sa bansa sa pamamagitan ng pagbibigay ng angkop na klasipikasyon sa bawat palabas at pelikula at ang patuloy na pakikipag-ugnayan sa mga stakeholder.”

Dagdag pa ni Sotto-Antonio na mas palalakasin pa ng MTRCB ang pakikipag-kolaborasyon sa lokal na mga direktor, producer, at TV network, pati na rin sa mga streaming platform at mga kaalyadong bansa.

Sa pamamagitan nito, mas matutugunan ng MTRCB ang iba’t ibang hamon pagdating sa media regulation habang pinapaunlad ang masining at inobasyon sa industriya ng pelikula at telebisyon.

Ayon pa kay Sotto-Antonio, ipagpapatuloy ng Ahensya ang pagsusulong ng kampanyang “Responsableng Panonood” na layong maturuan ang publiko sa importansya ng tama at angkop na pagpili ng mga palabas, partikular sa mga batang manonood.

At dahil sa mabilis na paglago ng digital platforms at teknolohiya sa bansa, nangako rin ang MTRCB na gamitin ang mga makabagong pamamaraan pagdating sa polisiya at regulasyon, at sa pagpapanatili ng Filipino cultural values na siyang pamantayan para sa proteksyon ng mga manonood. (ROHN ROMULO)

Other News
  • Sri Lanka naglagay na ng mga sundalo sa mga gasolinahan

    NAGLAGAY na ng sundalo ang gobyerno ng Sri Lanka para bantayan ang mga gasolinahan.     Ito ay dahil sa maraming pumila sa mga gasolinahan dahil sa banta ng kakulangan ng suplay ng gasolina.     Ang nasabing bansa ay nagkukumahog ang ekonomiya dahil sa devaluation ng kanilang pera kaya humingi na sila ng tulong […]

  • Tax break sa e-motorcycles posible sa pagrepaso sa EV incentives

    NAKATAKDANG repasuhin sa susunod na linggo ang executive order na nagbabago sa tariff rates para sa electric vehicles (EVs), kung saan posibleng maisama ang e-motorcycles sa listahan ng mga sasakyan na nakikinabang sa tax breaks.     Naunang sinabi ni National Economic and Development Authority (NEDA) chief Arsenio Balisacan na ang Executive Order No. 12, […]

  • Pag-angkat ng 440-K MT ng asukal, aprubado na ng SRA Board

    INAPRUBAHAN ng Sugar Regulatory Administration (SRA) Board ang plano sa pag-aangkat ng 440,000 metric tons ng refined sugar.     Layon nito na palakihin ang supply at patatagin ang mga presyo ng sweetener ngayong taon.     Inihayag ni Sugar Regulatory Administration (SRA) Board member-planters’ representative Pablo Luis Azcona na inaaprubahan ito sa ginawang pulong […]