Jay Sonza, arestado sa illegal recruitment
- Published on August 18, 2023
- by @peoplesbalita
DINAKIP ng mga tauhan ng Bureau of Immigration (BI) ang dating broadcaster na si Jay Sonza makaraang masangkot sa syndicated at large-scale illegal recruitment.
Isinuko ng BI sa kustodiya ng National Bureau of Investigation (NBI) si Sonza saka inilipat sa Bureau of Jail Management and Penology, ayon kay NBI Assistant Director Glenn Ricarte.
Nabatid na dinakip ng mga operatiba ng BI si Sonza dalawang linggo na ang nakakaraan habang pasakay ng eroplano sa Ninoy Aquino International Airport Terminal 3 patungo sa Hong Kong at nang dumaan siya sa immigration counter para sa interview dito natuklasan na mayroon siyang nakabinbin na kasong estafa kaya pinigilan ang kaniyang paglipad.
Tuluyan siyang idinitine nang matuklasan pa na mayroon siyang aktibong warrant of arrest sa kasong syndicated at large-scale illegal recruitment.
Sumailalim naman umano sa proseso si Sonza na nagawang matawagan ang kaniyang abogado nang iditine siya ng BI.
Napayuhan din siya ng mga legal na opsyon lalo na’t hindi siya maaaring makapaglagak ng piyansa dahil sa kasong syndicated or large scale illegal recruitment.
-
CAAP patuloy na iniimbestigahan ang pag-overshot ng Korean Air sa runway ng Cebu-Mactan International Airport
PATULOY na inaalam ng Civil Aviation Authority of the Philippines (CAAP) ang sanhi ng pag-overshot ng Korean Air Lines sa runway ng Mactan-Cebu International Airport nitong gabi ng Linggo. Agad na dinala sa iba’t-ibang hotel ang mga pasahero habang inaayos pansamantala ang malilipatan ng mga ito. Sa inisyal na imbestigasyon ang […]
-
Magsasagawa ng ‘house-to-house’ jabs, paigtingin – Malakanyang
KUMBINSIDO ang Malakanyang na kailangan lang na paigtingin ang “house-to-house” vaccination sa vulnerable at senior citizens ng local government units (LGUs) para mas mapapabilis ang COVID-19 vaccination campaign ng gobyerno sa labas ng National Capital Region (NCR) at kalapit-lalawigan. Sinabi ni acting presidential spokesperson at Cabinet Secretary Karlo Nograles, na ang tagumpay ng […]
-
Alert Level System ipatutupad na rin sa labas ng NCR
Ipatutupad na rin ang COVID-19 Alert Level System sa labas ng National Capital Region, ayon sa Malacañang. Inihayag ni Presidential spokesperson Harry Roque na simula, Oktubre 20, 2021 ay sisimulan ang pagpapatupad ng Alert Level System na tatagal hanggang sa Oktubre 31, 2021. Iiral ang Alert Level 4 sa Negros Oriental […]