Kalye sa Navotas isinailalim sa 2-linggong lockdown
- Published on December 10, 2020
- by @peoplesbalita
Isinailalim sa dalawang linggong lockdown ang Block 31, Lot 36, Brgy. NBBS, Dagat-dagatan sa Navotas City mula 5 December, 5:01am, hanggang 19 December, 11:59pm alinsunod sa Executive Order No. TMT-056, series of 2020.
Ayon kay Mayor Toby Tiangco, sa isinagawang contact tracing at house-to-house survey, napag-alaman nila na may apat na nagpositibo sa COVID-19 sa nasabing lugar at 16 na persons under investigation. Dahil dito, kailangan aniya ng lockdown para maiwasan natin ang pagkalat pa ng virus.
Sinabi pa ni Tiangco, lahat ng mga residente sa Block 31, Lot 36 ay dapat manatili sa bahay at sumailalim sa swab test. Magsasagawa rin ng targeted testing sa mga residente na nakatira malapit sa compound.
Sinumang magpositibo ay dadalhin agad sa Community Isolation Facility habang bibigyan naman ng relief packs ang mga miyembro ng kanilang pamilya na maiiwan sa bahay.
Samantala, ang mga may trabaho o negosyo (essential worker) na exempted ng IATF ay makakapasok lamang sa trabaho kapag nagnegatibo na sila sa swab test, at may dala silang valid company ID o certificate of employment.
Paalala ni Mayor Tiangco, kailangan nakasuot ng mask na natatakpan ang ilong at bibig kapag papasok sa trabaho, sumusunod sa 1-2 metrong social distancing, hindi namamalagi sa matataong lugar, at palaging naghuhugas o nag-aalkohol ng mga kamay.
“Hindi po natin gusto ang lockdown; mahirap ito para sa ating lahat. Ngunit kailangan po ito para sa ikabubuti ng bawat isa. Hinihingi po namin ang iyong lubos na suporta at kooperasyon. Pakikiisa ang tatapos sa pandemya”, pahayag ni Mayor Toby. (Richard Mesa)
-
“MISSION: IMPOSSIBLE – DEAD RECKONING – PART ONE” CHARACTER POSTERS REVEALED
THE world is coming after them. The character posters for the latest installment in the Mission Impossible franchise have been revealed. Mission: Impossible – Dead Reckoning – Part One, starring Tom Cruise, opens across Philippine cinemas July 12. Watch the trailer: https://youtu.be/iIMqgt3dSCE About Mission: Impossible – Dead Reckoning – Part One Paramount Pictures and Skydance […]
-
Valenzuela namahagi ng cash subsidy at groceries sa mga Solo Parents
BILANG bahagi ng paggunita ng Solo Parents’ Day, namahagi ang Pamahalaang Lungsod ng Valenzuela ng cash subsidy, grocery gift certificates at nego-cart sa mga kwalipikadong solo parents na ginanap sa People’s Park Amphitheatre at WES Arena. Nasa 4,583 rehistradong solo parents ang pinarangalan at kinilala sa kanilang katatagan sa pagpapalaki ng kanilang sariling […]
-
Top 6 most wanted person ng NPD, nasakote
MATAPOS ang 10-buwan pagtatago, naaresto na ng pulisya ang isang umano’y rapist na tinagurian bilang Top 6 Most Wanted Person sa Northern Police District (NPD) makaraang bumalik sa kanyang bahay sa Quezon City. Pinuri ni National Capital Region Police Office (NCRPO) Regional Director P/MGen. Debold Sinas ang mga operatiba ng Intelligence Operation Section (IOS) […]