Karagdagang supply ng COVID vaccines para sa NCR, mid-July pa darating – Mayor Olivarez
- Published on July 8, 2021
- by @peoplesbalita
Sa ikalawa at ikatlong linggo pa ng Hulyo posibleng makarating sa mga local government units (LGUs) sa Metro Manila ang kanilang karagdagang supply ng COVID-19 (Coronavirus Disease) vaccines.
Ayon ito kay Parañaque City Mayor Edwin Olivarez na siya ring chairman ng Metro Manila Council (MMC), alinsunod sa pahayag ng Department of Health (DOH).
Sa oras na dumating na ang karagdagang supply nila ng COVID-19 vaccines, sinabi ni Olivarez na makakapagsimula na ulit sila nang pagbabakuna ng first dose.
Kamakailan lang ay ilang LGUs ang pansamantalang itinigil ang kanilang first dose vaccination dahil sa bumababang stock ng COVID-19 vaccines.
Ito ay kasunod na rin sa direktibang ibinaba ng national government na gamitin ang kanilang dalawang-linggong imbentaryo para sa second dose lamang dahil sa limitado pang supply ng bakuna.
Sa Parañaque, sinabi ni Olivarez na aabot na sa 200,000 na kanilang residente ay naturukan na ng first dose habang 65,000 naman ang nakatanggap na ng second dose.
Target ng lungsod na mabakunahan ang 465,000 nilang mga residente, o 70 percent ng 675,000 populasyon para maabot ang tinatawag na herd immunity. (Gene Adsuara)
-
P1.6 B expanded Subic expressway pinasiyanan
Nagkaron ng inagurasyon ang Department of Public Works and Highways (DPWH) at NLEX Corp para sa pagbubukas ng 8.2-kilometer na Subic Freeport Expressway (SFEX) expansion na nagkakahalaga ng P1.6 B. Ang bagong P1.6 B na expressway project ay patuloy na ginawa kahit na may pandemia ng COVID upang magamit agad at nang magkaron […]
-
VP Sara, walang respeto kina Castro at Hontiveros: ‘I have no respect for them’
“I HAVE no respect for them.” Ito ang matapang na sinabi ni Vice President at Education Secretary Sara Duterte nang tanungin kung bakit niya ‘singled out’ sina ACT Teachers Party-list Rep. France Castro at opposition Senator Risa Hontiveros nang magpalabas ito ng kalatas laban sa pagkuwestiyon sa paggamit ng kanyang tanggapan ng confidential […]
-
Chinese coach gagawing consultant ni Diaz
Kung hindi makukumbinsi ni Olympic Games gold medalist Hidilyn Diaz si Gao Kaiwen na bumalik bilang head coach ay kukunin na lamang niya ang Chinese bilang consultant. Sinabi ni Diaz kahapon sa Philippine Sportswriters Association (PSA) Forum webcast na planado na ang lahat sakaling piliin ng 64-anyos na si Gao ang kanyang pamilya […]