Kasama sa bagong teleserye ni Coco: Vice Gov. EJAY, mabilis na naka-adapt bilang isang public servant

INAMIN ng ‘Underage’ star na si Elijah Alejo na crush niya ang Kapuso hunk na si Nikki Co kaya nakaramdam niya ng kaba noong kinunan ang rape scene niya.

Sey ni Elijah na naging crush daw niya si Nikki noong sumali ito sa StarStruck season 6. Cute na cute daw ang Kapuso teen actress kay Nikki noon dahil sa pagiging chinito nito. Hindi raw niya inakala na balang-araw ay makakasama niya ito sa isang eksena.

“Super-crush ko po si Nikki noon at ngayon ko lang sinasabi ito. Kaya noong makasama siya sa cast ng Underage at may mga eksena kami, nandoon yung kaba pero parang kinikilkig pa rin ako,” tawa pa ni Elijah.

Natuwa naman si Nikki sa revelation na ito ni Elijah dahil all throughout daw sa lock-in taping nila ay walang itong binabanggit na nagkaroon ito ng crush sa kanya noon.

Sa kinunan nga raw na rape scene, naging maingat naman daw si Nikki kay Elijah. Sinigurado niya na hindi masasaktan ito at magagawa nila ng maayos yung eksena.

“Kung ano yung binigay na instructions ni Direk Rechie (del Carmen) sa amin ni Elijah, sinunod namin kasi gusto rin niya na one take lang sa bawa’t anggulo para hindi pauulit-ulit.

“Kami naman ni Elijah, maganda ang rapport namin kaya we did the scene na maayos at tama,” sey ni Nikki na mukhang bini-build up na bagong lalakeng kontrabida ng GMA.

***

KAHIT na hinalal na Vice Governor ng Mindoro ang aktor na si Ejay Falcon, puwede pa rin naman daw siyang tumanggap ng acting assignments.

Sa katunayan ay kasama siya sa cast ng ‘FPJ’s Batang Quiapo’ na pinagbibidahan ni Coco Martin.

Pero kahit may teleserye siya, prioridad pa rin daw ni Ejay ang kanyang constituents sa Mindoro.

“Depende pa rin po sa projects dahil sa ngayon prayoridad ko na maglingkod sa mga taga-Mindoro. Ibinigay nila sa akin ang kanilang tiwala at gusto ko siyempreng magampanan ang aking tungkulin.

“Bukas pa rin tayo na gumawa ng projects mapa-teleserye o pelikula man ‘yan. Pero definitely hindi ko mabibigay ang lahat ng oras ko para dun. Kung kaya ng schedule ko, bakit po hindi?” sey pa ni Ejay.

Mabilis nga raw naka-adapt si Ejay sa kanyang trabaho ngayon bilang isang politiko at isinasapuso niya ang maging isang public servant.

“Mabilis naman po akong naka-adapt at ngayon nga ay gamay naman na po. ‘Di lang sa trabaho kung hindi sa buhay probinsya na rin dahil sa Mindoro na po talaga ako nakatira at lumuluwas na lang kapag kailangan.”

***

NASA bansa pala noong nakaraang buwan pa ang Filipino Broadway/West End star na si Rachelle Ann Go kasama ang mister na si Martin Spies.

Hindi tumanggap ng guestings sa TV si Rachelle dahil pure vacation ito para sa kanyang pamilya.

Sa Instagram ng singer, nagbakasyon sila sa Bohol at ilang activities ang ginawa ng mister ni Rachelle dahil mahilig ito sa adventure trips.

At kahit na kita na ang baby bump ng singer, sinamahan niya ang kanyang mister sa pag-explore ng ilang magagandang lugar sa Bohol.

Caption pa niya: “Our Philippine trip is coming to an end. Last month @spiesmj and I went to explore Bohol without Lukas. Thanks to our parents who looked after Lukas. Martin wanted to do all the activities kaya napilitan na din ako.

“We went to see the Chocolate Hills, drove ATVs (swipe left to see the aftermath!), visited the man made forest and took the scooter and discovered a beach hut. We met the owner of Iya Tinay and they gave me a painting that I can take back to London (so sweet!). We also met the beautiful ladies of Loboc River Resort (thank you for sharing your testimony after the typhoon hit your city), and the kuya + his kalabaw stopping for a photo.”

Bakasyon din pala ito ni Rachelle pagkatapos niyang mag-tour for 6 months kasama ang cast ng Les Miserables sa United Kingdom.

“Sending my love to the cast of @lesmizofficial UK tour! I am so thankful to be part of this incredible company for 6 months last year! Lukas loves you too. Enjoy today, I’m sure it will be an emotional one,” caption pa ni Rachelle.

(RUEL J. MENDOZA)