Kaso ng COVID-19 babagsak sa 5K kada araw – OCTA
- Published on February 3, 2022
- by @peoplesbalita
NANINIWALA ang OCTA Research Group na bababa sa 5,000 na lang kada araw ang kaso ng COVID-19 sa bansa.
Ayon kay OCTA fellow Guido David, base sa kanilang projection, sa kalagitnaan ng Pebrero ay posibleng hindi na umabot sa 10,000 kada araw ang kaso at mas bababa pa sa huling bahagi ng Pebrero.
Inihalimbawa ni David ang mabilis na pagbagsak ng kaso ng COVID-19 sa South Africa at maging sa Metro Manila.
Sinabi rin ni David na maging sa mga rehiyon ay mabilis na rin ang pagbaba ng kaso ng impeksiyon.
Nabawasan na rin aniya ang naitatalang kaso sa Visayas at Mindanao katulad ng Cebu City, Tacloban, Iloilo, at Davao City.
Naniniwala rin si David na hindi na rin dapat ipag-alala ang pagtaas ng bilang dahil sa BA.2 Omicron sub-variant pero dapat pa rin aniyang mag-ingat dahil hindi rin imposible na magkaroon ng “major resurgence.”
Dapat aniyang ipagpatuloy ang pagbabakuna kabilang ang pagpapaturok ng boosters shots para hindi magkaroon ng biglang pagtaas ng kaso.
“Sinasabi lang natin na it’s unlikely na magkaroon ng resurgence, as long as efficacious pa rin iyong mga bakuna natin. Kaya kailangan siyempre patuloy na magpa-booster shots ang mga kababayan natin para tumaas ulit iyong efficacy nila, iyong protection nila against the virus,” ani David. (Daris Jose)
-
Lolo isinelda sa pangmomolestiya sa dalaginding sa Valenzuela
HIMAS-REHAS ang 82-anyos na biyudo matapos ireklamo ng pangmomolestiya sa 13-anyos na batang babae na miyembro ng pamilyang nag-alaga at nagpapakain sa kanya sa Valenzuela City. Agad iniutos ni Valenzuela police chief P/Col. Salvador Destura, Jr. sa Women and Children’s Protection Desk (WCPD) ang pagsasampa ng kasong rape through sexual assault na may […]
-
NBA magpapatupad nang paghihigpit pa sa mga laro
Maghihigpit ang NBA sa mga kasuotan ng mga manlalaro. Ilan sa mga ipapatupad na pagbabawal ay ang pagsuot ng tinted glasses at ang paglalagay ng logo sa kanilang mga buhok o gupit dahil sa maaari lang ilagay ang mga brand logo sa kanilang mga sapatos. Pagbabawalan din ang pagbaligtad ng mga […]
-
Djokovic humirit na ‘wag siyang ikulong ng immigration bago ang visa hearing
MULI NA namang na-detain ang kontrobersiyal na world’s number 1 tennis player na si Novak Djokovic sa Melbourne, dalawang araw bago ang pagsisimula ng Australian Open. Ito ay matapos na kanselahin ng Immigration minister ang kanyang visa dahil ang kanyang presensiya ay baka magpalakas daw sa mga anti-vaccine groups. Ang hindi […]