• June 21, 2024
  • Ang Diyaryong Pinagkakatiwalaan

Kawatan timbog sa entrapment sa Malabon

Nasakote sa ikinasang entrapment operation ng pulisya ang isang 31-anyos na kawatan nang tangkain ipatubos ang ninakaw na mobile phone at relos sa dalawang biktimang kanyang ninakawan sa Malabon City, kamakalawa ng gabi.

 

 

Hindi na nakapalag si Ronald Lamigas, walang hanapbuhay at residente ng Block 37 Lot 17, Phase 2, Area 2, Dagat-Dagatan, Navotas City nang arestuhin siya ng mga tauhan ni P/Capt. Arguillo Zoilo, hepe ng Malabon Police Sub-Station 5 matapos makipag-tipan sa kanyang mga nabiktima dakong alas-7:30 ng gabi sa isang lugar sa North Bay Boulevard South (NBBS) sa Navotas city.

 

 

Sa imbestigasyon ni P/SMSgt. Julius Mabasa, pinasok ni Lamigas ang tinutuluyang bahay nina Ronnie Neulid, 25, at Wilfredo Redulme, 59 sa Block 20-B Lot 31, Phase 2 Area 4 Brgy. Longos dakong alas-4 ng madaling araw ng Miyerkules at tinangay ang mahahalagang gamit sa loob ng kanilang bag, kabilang ang mamahaling cellular phone at wrist watch.

 

 

Natuklasan ng mga biktima ang pagnanakaw nang magising na sila kaya’t inireport nila ang nangyaring pagnanakaw sa Brgy. Longos.

 

 

Dakong alas-3 ng hapon nang makatanggap ng mensahe sa kanyang mumurahing mobile phone si Redulme na hindi tinangay ng suspek at ipinatutubos ang kanyang mamahaling relos, pati na rin ang cellular phone ni Neulid.

 

 

Sumang-ayon naman ang dalawa subalit bago sila makipagkita sa suspek sa itinakda nitong lugar sa Navotas city, humingi sila ng tulong kay Capt. Zoilo na siyang nagkasa ng entrapment operation na nagresulta sa pagkakadakip sa suspek at pagkakabawi sa ninakaw na relos at mobile phone (Richard Mesa)

Other News
  • SHARON, mabigat ang puso sa paglalaban nina Sen. KIKO at Senate Pres. TITO bilang Vice President; humihiling na sila’y ipagdasal

    NAKABALIK na si Megastar Sharon Cuneta mula New York, na binisita niya ang panganay nilang anak ni Senator Kiko Pangilinan na si Frankie na nag-aaral doon.      Ipinost ni Shawie ang nararamdaman niya sa pagbabalik ng bansa.     “I come home with a happy, but heavy heart.  Two men I greatly love – […]

  • 605 Bulakenyong health worker, nakakumpleto na ng dalawang dose ng bakuna

    LUNGSOD NG MALOLOS– May kabuuang bilang na 605 Bulakenyong health worker ang nabakunahan na ng dalawang dose ng bakuna para sa Coronavirus na magbibigay sa kanila ng proteksyon laban sa malubhang sintomas mula sa nakamamatay na sakit; habang 22,603 Bulakenyo ang naturukan na ng kanilang unang dose ng bakuna.     Ayon sa ulat ni Dr. Hjordis Marushka Celis, Provincial Health […]

  • FINAL TRAILER OF “MORBIUS” UNLEASHES THE DARKNESS INSIDE

    “LET go of what you used to be. Discover who you’re meant to be.”  Columbia Pictures has just released the final trailer of its upcoming Marvel action-thriller Morbius starring Jared Leto.       Check it out below and watch Morbius exclusively in Philippine cinemas March 30.   YouTube: https://youtu.be/ZOjXgec3gdw   About Morbius   One of Marvel’s most compelling and conflicted characters […]