Kelot dinampot sa baril at pagbabanta sa kapitbahay sa Malabon
- Published on May 2, 2023
- by @peoplesbalita
SHOOT sa selda ang isang lalaki matapos tutukan ng baril at pagbantaan ang isa sa grupo ng magkakamag-anak na nag-iinuman at nagkakantahan sa Malabon City, kahapon ng madaling araw.
Sa ulat, masayang nag-iinuman at nagkakantahan ang magkakamag-anak na pawang residente ng 94 F. Flovi 6, Brgy. Tonsuya nang puntahan sila ng matandang lalaking kapitbahay dakong alas-12:53 ng madaling araw at pinagsabihang tumigil na sa pagkanta dahil nakakabulahaw na sila sa mga natutulog.
Bilang paggalang, tumigil na sa pagkanta ang magkaka-anak subalit ilang saglit lang ay sumugod ang anak ng matandang kapitbahay na nakilalang si Ryan Obado, 39, na armado ng kalibre. 22 na baril at tinutukan ang biktimang si Jogie Mabasa, 27, kasabay ng pagsigaw ng katagang “Anong oras na, tumigil na kayo marami ng natutulog,”
Nang makatiyempo si Mabasa, nakipag-agawan na siya sa hawak na baril ng suspek at dito na tumulong ang pamangkin ng biktima na si Junriel Navea hanggang makuha ng huli ang armas.
Nang dumating ang mga nagrespondeng mga tauhan ng Malabon Police Sub-Station 5, inaresto nila ang suspek habang isinuko naman ni Navea ang naagaw na baril na may kargang limang bala.
Ayon kina police investigators PSSg Bengie Nalogoc at PCpl Marlon Renz Baniqued, kasong Grave Threat at paglabag sa R. A. 10591 o ang Comprehensive Law on Firearms and Ammunition ang isasampa nila laban sa suspek sa Malabon City Prosecutor’s Office. (Richard Mesa)
-
Kahit na may iniindang sakit, hindi nagpapigil… KRIS, dumalo sa rally kasama sina JOSH at BIMBY para suportahan si VP LENI
MAHUSAY si Carmina Villarroel sa kanyang role bilang Barbara sa bagong GMA series na Widow’s Web. At bongga palagi ang outfit ni Carmina dahil isang super rich na madam ang kanyang role sa serye na dinidirek ni Jerry Lopez Sineneng. Daring din si Carmina as Barbara dahil mayroon siyang male lover. At may […]
-
NAVOTAS NAKAPAGTALA NG PINAKAMABABANG ACTIVE COVID CASES NGAYONG TAON
NAKAPAGTALA ang Pamahalaang Lungsod ng Navotas ng pinakamababang active COVID-19 cases ngayong taon. Tatlo na lamang ang natitirang COVID patients ng Navotas kasunod ng limang araw na magkakasunod na zero daily case reports. Nagpasalamat naman si Congressman-elect Mayor Toby Tiangco at Congressman Mayor-elect John Rey Tiangco sa mga Navoteños para sa […]
-
LTFRB: 2,000 UV Express units balik kalsada
HALOS mayroong 2,000 UV Express units ang pinayagan muli ng Land Transportation Franchising and Regulatory Board (LTFRB) na bumalik sa kanilang operasyon. Ayon sa LTFRB may kabuohang 6,755 na UV Express units ang magkakaron ng operasyon sa 118 na pinayagang ruta sa Metro Manila matapos ang huling batch ng 2,428 na units maging operational. […]