KELOT NALAMBAT SA P4.7M SHABU SA NAVOTAS
- Published on June 28, 2021
- by @peoplesbalita
ISANG hinihinalang tulak ng iligal na droga ang arestado matapos makuhanan ng tinatayang nasa P4.7 milyon halaga ng shabu sa ikinasang buy-bust operation sa Navotas city, kamakalawa ng gabi.
Kinilala ni Navotas police chief Col. Dexter Ollaging ang naarestong suspek na si Saipoden Guinal, alyas “Saipo”, 31 ng RM 16 4th FLR, New Barter Trade., Brgy. 383 Quiapo, Manila.
Sa report ni Col. Ollaging kay Northern Police District (NPD) Director PBGEN Jose Hidalgo Jr, alas-8:07 ng gabi nang magsagawa ang mga operatiba ng Station Drug Enforcement Unit (SDEU) sa pangunguna ni PLT Genere Sanchez, kasama ang Station Intelligence Section sa pangunguna ni PLT Luis Rufo ng buy-bust operation kontra sa suspek sa kahabaan ng C4 Road., Brgy. BBN.
Nagawang makipagtransaksyon sa suspek ng P39,000 halaga ng droga ng isang undercover police na nagpanggap na buyer.
Matapos tanggapin ni Guinal ang markadong salapi mula sa poseur-buyer kapalit ng shabu ay agad lumapit ang back up na operatiba saka sinunggaban ang suspek.
Nasamsam sa suspek ang tinatayang nasa 700 gramo ng hinihinalang shabu na may standard drug price na P4,760,000 at buy bust money na binubuo ng 4 na tunay na P1000 bills at 35 pirasong P1000 boodle money.
Kasong paglabag sa RA 9165 o ang Comprehensive Dangerous Drug Act of 2002 ang isinampa ng pulisya kontra sa suspek sa Navotas City Prosecutors Office. (Richard Mesa)
-
Sunod-sunod ang pagkilala bilang aktor: Award na binigay ng Malacañang kay JOAQUIN, ni-recognize din ng Manila
NAKIKITA namin kay Joaquin Domagoso na tila surreal sa kanya ang lahat ng mga nangyayari sa kanya, lalo na ang sunod-sunod na pagtanggap ng mga awards. After sa Malacañang, binigyan naman siya sa Manila. “Binigyan po ako ni Sir Yul (Servo) ni-recognize niya po ‘yung award na binigay rin sa akin na award […]
-
Pangamba ng publiko, pinawi ni PBBM
PINAWI ni Pangulong Ferdinand Marcos Jr. ang pangamba ng publiko hinggil sa monkeypox virus matapos mapaulat noong nakaraang linggo na may naitala ng kaso sa Pilipinas. Ayon kay Pangulong Marcos sa isinagawang Q And A matapos magtalumpati sa Pinas Lakas event” sa Pasig Sports Complex para tingnan kung maganda at mahusay ang isinasagawang […]
-
Dagdag gastos sa Tokyo Olympics, pinaplantsa na
Magpupulong ngayong araw ang organizing committee ng Tokyo Olympics 2021 para pag-usapan ang karagdagang gagastusin nila sa opening at closing ceremonies. Plano kasi ng organizer na gumastos ng karagadang $33.7 million. Nauna ng mayroong $82 million ang inilaan na budget sa opening ceremony subalit dahil sa coronavirus pandemic ay hindi ito ipinagpatuloy. […]