• April 21, 2025
  • Ang Diyaryong Pinagkakatiwalaan

KIM, pwede na talagang pumalit sa puwesto ni KRIS

“IBA ‘to, nakakatakot ‘to! Sure na, kahit ako nagda-dubbing kami ni direk, ‘sabi ko, direk, sakit na ng heart ko, labas muna tayo!,” pasabog na rebelasyon ni Kim Chui sa ginanap na virtual mediacon ng pelikulang U-Turn na idinirek ni Der- rick Cabrido kumpara sa Ghost Bride at The Healing.

 

“Parang ako, hindi ko kayang panoorin, matatakutin kasi ako, so iba ‘yung dating nitong pelikula, iba.

 

“If napanood mo ‘yung past movies ko, ito na ‘yun, sagad na ‘to. Ito na ‘yung rurok (kakatakutan) hindi ko alam kung may aangat pa ‘to,” kuwento ni Kim.

 

Reporter sa online ang karakter ni Kim sa U-Turn bilang si Donna na para sumikat siya ay may ginawa siyang bagay na sa bandang huli ay apektado ang pamilya at personal niyang buhay.

 

Realidad ang kuwento ng pelikula, “totoo ‘to (kuwento) kasi ‘yung iba, tradisyon kasi ‘yun like The Healing parang manggagamot hindi naman natin normal na nakikita ang mga manggagamot sa road (daan) lalo na sa siyudad, unless pumunta ka ng probinsya.

 

“Yung Ghost Bride, hindi mo rin mami-meet ang ghost bride kung wala kang kakilala.

 

“Unlike itong U-Turn, lagi nating ginagawa like sa work, lagi tayong gumagawa ng mga headline para sumikat tayo. Some journalist or nagra-write up ang headline nila ay (pasabog) siyempre kailangan para basahin. So lagi tayong nakaka-encounter ng may iba fake news, may iba may dagdag news.

 

Nakuwento ni Kim na ang The Healing at Ghost Bride ay hindi niya nakikita o katabi ang mga multo dahil kaharap niya camera kapag umaarte siya. Hiwalay na kuha raw ang mga iyon.

 

“Itong U-Turn, sobrang nakakatakot kasi ngayon lang ako gumawa na kaharap ko mismo ang multo, ganito kalapit kaya nakakatakot talaga,” kuwento ng aktres.

 

Tinawag na Millennial Horror Queen si Kim, “Ate Kris (Aquino) will always be the horror queen, siyempre siya talaga ang nag-iisa at walang makakagalaw no’n. Meron lang kong millennial nadagdag na word.

 

“So, sa ibang barangay ako. Ibang distrito po ako. Pero lahat ‘yun ‘queen’ pero mas malayo na ‘yung siyudad niya sa siyudad ko.”

 

Anyway, mapapanood na ang U-Turn na mula sa Star Cinema at line produce ng Clever Minds Inc sa Oktubre 30 live streaming via KTX.ph, iWant TFC app at website or pay-per-view via Cignal and Sky Cable sa halatang Php150.00.

 

Bukod kina Kim at Tony Labrusca ay kasama rin si JM De Guzman, Miel Espinosa, Jojit Lorenzo, Alex Medina, Jerry O’hara, Simon Ibarra, Mercedes Cabral, Almira Muhlach, Sky Quizon, Via Antonio, Martin del Rosario, Cris Villonco at Cris Villanueva. (Reggee Bonoan)

Other News
  • Deed of Usufruct, pinirmahan sa Navotas

    PINIRMAHAN ni Mayor John Rey Tiangco, kasama ang Bureau of Fire Protection (BFP) ang Deed of Usufruct para sa 444 sq.m. na lupa sa Brgy. Navotas East na pagtatayuan ng dagdag na fire station sa Navotas City. Kasabay nito, pinabasbasan din ng Pamahalaang Lungsod ang mga fireboats na gagamitin ng BFP Navotas para mapanatili ang […]

  • Kabilang ang kooperasyon hinggil sa pangingisda… Pilipinas at Palau, lumagda ng 3 MOU

    TATLONG  MOU ang pinirmahan ng Pilipinas at Palau kasabay ng Official visit sa bansa ni Palau President Surangel Whipps Jr. Kabilang sa nilagdaang Memorandum of Understanding ay ang tungkol sa fishing cooperation na dito ay itataguyod ang kasunduan hinggil sa pagpapanatili ng pangangalaga sa yamang-dagat gayundin sa mga proyekto at pananaliksik patungkol sa pangisdaan kasama na […]

  • Bigtime rollback sa petrolyo, ipinatupad

    INANUNSYO ng mga lokal na kumpanya ng langis ang isa pang rollback sa presyo ng mga produktong petrolyo epektibo kahapon, Martes.     Sa hiwalay na advisories, kinumpirma ng Petron Corporation, Pilipinas Shell, Seaoil Philippines at  Flying na ipatutupad pagsapit ng  alas- 6:00 ng umaga ng Hulyo 12 ang tapyas na presyong P6.10 sa kada […]