Knights sa Finals; Red Lions humirit ng ‘do-or-die’
- Published on May 9, 2022
- by @peoplesbalita
TINAKASAN ng No. 1 at nagdedepensang Letran Knights ang No. 4 Perpetual Altas, 77-75, sa Final Four para umabante sa NCAA Season 97 men’s basketball finals kahapon sa FilOil Flying V Centre sa San Juan City.
Ito ang ika-10 sunod na ratsada ng Knights, nagdala ng ‘twice-to-beat’ advantage sa Final Four, matapos ang 9-0 sweep sa elimination round.
Humataw si Rhenz Abando ng 24 points, 3 rebounds, 2 assists at 2 steals, para sa muling pagpasok ng Letran sa best-of-three championship series.
Nag-ambag si Jeo Ambohot ng 14 points at 14 rebounds, habang may 13 markers si Fran Yu.
Ang three-point play ni Jielo Razon ang nagtabla sa Perpetual sa 71-71 sa 3:18 minuto ng fourth period.
Nagsalpak naman si Yu ng sarii niyang 3-point play para sa 76-73 abante ng Knights sa 2:21 minuto ng laro.
Matapos ang basket ngi Jeff Egan para sa 75-76 agwat ng Altas ay nagkaroon muli sila ng tsansang maagaw ang panalo kundi lamang naimintis ni Razon ang tangka niya sa 3-point line sa pagtunog ng final buzzer.
Tumapos si Razon na may 21 points kasunod ang 14 markers ni Egan.
Sa ikalawang laro, inilusot ng No. 3 San Beda Red Lions ang 73-67 overtime win kontra sa No. 2 Mapua Cardinals.
Pag-aagawan ng Cardinals, may ‘twice-to-beat’ edge, at ng Red Lions ang ikalawang finals seat sa Miyerkules.
Bumangon ang San Beda mula sa 10-point deficit sa fourth period para humirit ng overtime sa likod ni Ralph Penuela.
-
Target na mabakunahan ng booster shot sa unang 100 araw ng Marcos administration, nirebisa
BUNSOD nang patuloy na mababang bilang ng nagpapabakuna ng booster dose sa bansa, nirebisa ng gobyerno ang inisyal na target sa unang 100 araw ng termino ng Marcos adminsitration. Ayon kay DOH Officer-in-Charge Ma. Rosario Vergeire, inisyal na target ng pamahalaan ay nasa 50% ng eligible population ang mabakunahan ng unang booster shots. […]
-
Gymnast Dela Pisa, pararangalan ng SMC-PSA
INSPIRASYON at nakakaluha ang istorya sa nakalipas na 30th Southeast Asian Games PH 2019 ang kikilalanin at may espesyal na parangal sa SMC-PSA (Philippine Sportswriters Association) Annual Awards Night sa Centennial Hall ng Manila Hotel sa darating na Biyernes. Siya si women’s gymnastics gold medalist Daniela dela Pisa na makakasama nina tennis phenom at […]
-
PBBM, pinuri ang naging kontribusyon ng mga magsasaka sa pagtiyak na may ‘sapat na pagkain’ sa bansa
KINILALA ni Pangulong Ferdinand R. Marcos Jr., ang mahalagang kontribusyon ng mga magsasaka sa pagtiyak na may sapat na pagkain sa bansa sa kabila ng lahat ng mga hamon. “Tanggapin po ninyo ang aming pasasalamat sa mahalagang papel na ginagampanan ninyo araw-araw para masiguro na ang bawat Pilipino ay may sapat na pagkain,” ang […]