Lacson at Sotto, sumailalim sa voluntary drug test

Magsasanib pwersa ang Philippine National Police at ang Philippine Drug Enforcement Agency sa pag-imbestiga sa isang presidential aspirant na gumagamit umano ng cocaine.

Ayon kay PNP Chief Police General Dionardo Carlos, nasimulan na ng PDEG ang pagbeberipika ng naturang impormasyon at nangangalap na ng mga ebidensya.

Paliwanag niya, nagbibigay ng update sa kanya ang PDEG pero maghihintay muna sila na makumpleto ang imbestigasyon bago isapubliko ang resulta.

Nakikipag-ugnayan din ngayon ang PDEG sa Intelligence Group para ma validate ang nasabing report.
Dagdag pa ni Carlos, aalamin nila sa Malakanyang kung saan nangaling ang impormasyon dahil hindi naman sila basta-basta pwede dumirekta sa Pangulo.

Wala namang time-frame na ibinigay si Carlos sa PDEG para sa imbestigasyon dahil nagiging maingat sila sa pagkumpirma nito.

Pagtiyak nito na sa sandaling validated na ang ulat magkakasa sila ng operasyon.

Tumanggi naman si Carlos sabihin kung may natanggap silang impormasyon hinggil sa isang presidential bet na gumagamit ng cocaine.

Samantala, hinimok ni PNP Chief ang mga lahat ng mga kandidato na sumailalim sa drug test para mabatid ng publiko na drug free ang isang kandidato.

Pero nilinaw ni Carlos na hindi nila hinahamon ang mga kandidato na sumailalim sa drug testing dahil “free will” o boluntaryo lamang ito.

Aniya, sa panig ng PNP regular random drug testing ang kanilang isinasagawa para patunayan na drug free ang mga pulis.

As of presstime ( Nov 22),  sumailalim ang Reporma standard bearer Sen. Panfilo Lacson at ang kanyang running mate na si Senate President  Vicente “Tito” Sotto III sa voluntary drug test. Nagpunta ang dalawa sa Philippine  Drug Enforcement Agency (PDEA ) headquarters, Lunes ng tanghali.

“What we underwent was not ordinary testing. PDEA uses a MULTI DRUG testing kit. It can check all types lof illegal drugs, encompassing holistic drug test,” ayon pa kay Sotto.

“Ordinary testing only checks  marijuana and shabu.

Urine samples were taken and the PDEA is still processing these samples, said the Senate President, who once led the Dangerous Drug Board. (Daris Jose)