LALAKI, NAGPANGGAP NA SUNDALO, BUKING

NABUKING na hindi pala sundalo ang isang lalaki na naunang inaresto dahil sa paglabag sa batas trapiko sa Ermita, Maynila.

Kinilala ang suspek na si Romeo Puyat Jr na taga Pampanga na kuntodo unipormado pa ng sundalo.

Ayon kay P/Lt Col Evangeline Cayaban, hepe ng Ermita Police Station, nasita ang suspek dahil sa kanyang pag-counterflow.

Sinabi pa ni Cayaban na pumalag din noong una si Puyat at sinabing siya ay sundalo at nagmamadali kaya nagawa nitong mag-counterflow.

Alibi umano ng suspek, lumuwas ito ng Maynila dahil mag-aaply bilang OFW kung saan nakuha sa kanya ang tatlong pasaporte na ang isa ay nakapag-alaman sa kanya habang ang dalawa pang pasaporte ay pag-aari ng kanyang kasintahan at kaibigan.

Nang hingan ng iba pang dokumento o identification card bilang sundalo, tanging ang ID niya na security guard lamang ang kanyang naipakita.

Maging ang gamit nitong kulay itim na SUV ay wala ring maipakitang rehistro.

Dahi dito, mahaharap sa patung-patong na kaso ang suspek. (GENE ADSUARA)