Lalamove rider kulong sa pagbebenta ng droga sa Navotas
- Published on May 2, 2023
- by @peoplesbalita
SA kulungan ang bagsak ng isang lalamove rider matapos makuhanan ng mahgit P.1 milyon halaga ng shabu sa isinagawang buy bust operation sa Navotas City, kahapon ng madaling araw.
Kinilala ni Navotas police chief P/Col. Allan Umipig ang naarestong suspek na si Carlo Cagman alyas “Pako”, 32, lalamove rider at residente ng 386 Custodio St., Santolan, Malabon City.
Sa kanyang ulat kay Northern Police District (NPD) Director P/BGen Ponce Rogelio Peñones Jr, sinabi ni Col. Umipig na nakatanggap ang mga operatiba ng Station Drug Enforcement Unit (SDU) ng impormasyon mula sa isang regular confidential informant (RCI) na nagbebenta umano ng shabu ang suspek kaya isinailalim nila ito sa validation at surveillance operation.
Nang positibo ang ulat, kaagad ikinasa ng mga operatiba ng SDEU sa pangunguna ni P/Cpt Luis Rufo Jr, ang buy bust operation sa Tanigue Extension, Brgy. NBBS Dagat-Dagatan kung saan isang undercover police ang nagawang makipagtransaksyon sa suspek ng P500 halaga ng shabu.
Nang tanggapin ng suspek ang marked money mula sa isang pulis na nagpanggap na buyer kapalit ng isang plastic sachet ng shabu ay agad siyang dinamba ng mga operatiba.
Nakumpiska sa suspek ang apat pirasong heat-sealed transparent plastic sachets na naglalaman ng humig’t kumulang 20 grams ng hinihinalang shabu na may standard drug price value na P136,000, buy bust money, coin purse at P70.00 bill recovered money.
Sasampahan ang suspek ng kasong paglabag sa RA 9165 o ang Comprehensive Dangerous Drug Act of 2002. (Richard Mesa)
-
PBBM, binigyang direktiba ang lahat ng ahensiya ng pamahalan at LGUs
IPINALABAS ngayon ng Palasyo ng Malakanyang ang Memorandum Circular No. 26, nagpapatibay sa Philippine Health Facility Development Plan (PHFDP) 2020-2040, binigyang direktiba at hinikayat ang lahat ng ahensiya ng pamahalaan at Local Government Units (LGUs) na suportahan ang inisyatiba sa pamamagitan ng pagtatayo ng health facilities para sa kanilang nasasakupan. “The PHFDP 2020-2040, […]
-
1 patay, 2 arestado sa pakikipagbarilan sa pulis sa Malabon
DEDBOL ang isang umano’y holdaper matapos makipagbarilan sa rumespondeng mga pulis habang arestado naman ang dalawang kasama nito sa Malabon city, kamakalawa ng hapon. Dead-on-arrival sa Ospital ng Malabon sanhi ng tinamong tama ng bala sa katawan si Jason Danco, 33 ng Sitio 6, Dumpsite, Brgy. Catmon habang kinilala naman ang mga naaresto […]
-
Maraming mga Filipino adults mas pipiliin pa ang kalusugan kaysa pag-ibig – SWS survey
MARAMING mga adult Filipino ang mas pipiliin pa ang kalusugan kaysa sa pag-ibig o pera. Ito ang naging resulta ng survey na isinagawa ng Social Weather Station kung saan 57 percent sa mga dito ang pumili ng kalusugan, 31 percent ang pumili ng pag-ibig habang 11 percent lamang ang namili ng pera. […]