Loan requirements para sa PUV modernization, dapat gawing simple
- Published on October 4, 2023
- by @peoplesbalita
HINDI dapat pahirapan pa ng gobyerno ang mga naghihira na public utility vehicle (PUV) drivers at operators na gustong makiisa sa PUV modernization program ng pamahalaan.
Ipinunto ito ni AGRI Party-list Rep. Wilbert Lee kasabay nang panawagan nito sa Land Bank of the Philippines (LBP), Development Bank of the Philippines (DBP), at iba pang government financial institutions na simplihan at i- streamline ang nakalulula umanong loan requirements para sa transport cooperatives at corporations sa pagbili ng makabagong jeep.
Sa isinagawang plenary deliberations sa panukalang 2024 budget ng Department of Transportation (DOTr), inihayag ni Lee na hindi dapat pahirapan ang mga PUV drivers at operators sa pagkuha ng loans upang ipambili ng modernong jeep.
“Let us liberalize and simplify these requirements. Marami na ngang na-comply na requirements na hiningi ang LTFRB (Land Transportation Franchising and Regulatory Board) at LTO (Land Transportation Office), kilo-kilometro pa rin ang dami ng hinihingi ng Land Bank o DBP na mahirap kumpletuhin,” giit ni Lee.
“Kaya po tayo nagsusulong ng ganitong mga programa, kaya natin pinapataas at pinapalaki ang budget, ay para makatulong. It defeats the purpose kung pinapahirapan natin sila. Ano ba talaga ang papel natin dito? Ang tulungan sila o ang pahirapan sila?” pagtatanong ng mambabatas.
Iginiit pa nito na magtulungan ang LTFRB para gawing mas mabilis ang proseso nang pagpapautang ng Land Bank, DBP at iba pang government financial institutions.
Ayon kay Lee, ang isang jeepney driver o operator na kumikta ng P500 hanggang P750 kada araw ay hindi kayang makabili ng modernong jeep na nagkakahalaga ng mahigit P2 million.
Bukod sa pagpapabilis at pagapadali sa proseso at requirements sa pautang, hiniling din ni Lee ang naglalaan ng alokasyon na P1.8 billion para sa PUV modernization program na nakakuha ng zero funding sa 2024.
“We need to understand na holistic at comprehensive itong modernization program. It does not end in just consolidating or buying new public utility vehicles or units,” paliwanag ni Lee. (Ara Romero)
-
DSWD: 3M pangalan kinalos sa SAP beneficiaries
Nagtanggal ng nasa tatlong milyong pangalan ang Department of Social Welfare and Development mula sa listahan ng Social Amelioration Program beneficiaries na makatatanggap sana ng second tranche ng ayuda. Ayon kay DSWD Undersecretary Glen Paje tinanggal ang mga pangalan dahil sa iba’t ibang rason tulad ng: · double listing; · nakatanggap na ang […]
-
Maraming kausap at pinag-aaralan ang mga offers: Pagbabalik sa GMA ni BOY, balitang sure na sure na
BALITANG sure nang magbabalik-GMA si King of Talk na si Boy Abunda. Hindi pa nga lamang sinasagot ni Kuya Boy kung sa anong channel siya. Ayon sa kanya, pupunta muna siya sa USA for some previous commitments there at pagbalik niya, sure nang balik-TV na ulit siya. Inamin ni Kuya Boy […]
-
Mula sa luggage hanggang restrooms: DOTr chief Bautista, isiniwalat ang mga problema sa NAIA
TINAPIK at binigyan ng listahan ni Transportation Secretary Jaime Bautista ang Manila International Airport Authority (MIAA) hinggil sa masasabing overall passenger experience sa Ninoy Aquino International Airport (NAIA). Isa na ayon kay Bautista ang “delayed release” ng mga luggages. Tinukoy nito ang nangyaring insidente sa Terminal 2 kamakailan matapos makatanggap ng […]