Maagang pagboto ng mga seniors, PWDs, abogado, human resources for health, aprub sa Kamara
- Published on May 11, 2023
- by @peoplesbalita
INAPRUBAHAN sa ikatlo at pinal na pagpasa ng kamara ang panukala para sa maagang paboto ng mga kuwalipikadong senior citizens, persons with disabilities (PWDs), abogado at human resources for health sa national at local elections.
Sa botong 259, ipinasa sa plenaryo ang House Bill 7576, na pinagsama-samang 15 magkakahiwalay na panukala na inihain nitong 19th Congress.
Pinapurihan naman ni Speaker Ferdinand Martin Romualdez ang progreso ng panukala na kapag naging ganap na batas ay makakatulong sa mga nabanggit na sektor na makaboto ng maaga at hindi sumabay sa dagsa ng botante tuwing halalan.
Ayon sa speaker, pangunahing kunsiderasyon sa panukala ay ang pisikal na kondisyon atkalusugan ng mga senior citizens at PWDs kaya dapat makaboto ito ng maaga.
Kinunsidera naman ang paglalaan ng professional services ng abogado at health and safety services sa publiko ng human resources for health, para makaboto rin ng maaga sa national at local elections.
Ang panukala ay pinagsama-samang 15 panukalang batas na inihain nina Negros Oriental Rep. Juliet Marie de Leon Ferrer, Cagayan de Oro Rep. Rufus Rodriguez, Quezon Rep. Keith Micah “Atty. Mike” D.L. Tan, Sultan Kudarat Rep. Horacio Suansing, Jr., Nueva Ecija Rep. Mikaela Angela Suansing, Senior Citizens Party List Rep. Rodolfo “Ompong” Ordanes, Northern Samar Rep. Harris Christopher Ongchuan, 4PS Party List Rep. Jonathan Clement Abalos II, Ang Probinsyano Party List Rep. Alfred Delos Santos, Pangasinan Rep. Marlyn Primicias-Agabas, Davao del Norte Rep. Pantaleon Alvarez, Cavite Rep. Ramon Jolo Revilla III, Cavite Rep. Lani Mercado-Revilla, Agimat Party List Rep. Brian Revilla, at Probinsyano Ako Party List Rep. Rudys Cesar Fariñas.
Nakasaad sa panukala na ang human resources for health ay yaong “engaged in health and health-related work, and all persons employed in all hospitals, sanitaria, health infirmaries, health centers, rural health units, barangay health stations, clinics and other health-related establishments owned and operated by the Government or its political subdivisions with original charters and shall include medical, allied health professional, administrative and support personnel employed regardless of their employment status who physically report to the frontlines during the day of the election”.
Magsasagawa ng nationwide registration para sa mga senior citizens, PWDs, lawyers, at human resources for health upang mailista sila sa maagang pagoboto. (Ara Romero)
-
PNP chief tiniyak ipagpapatuloy ang Duterte Legacy caravan
DUMALO din si PNP Chief PGen. Dionardo Carlos sa Duterte Legacy Caravan sa People Power Monument sa Edsa Quezon City, kasabay ng pagdiriwang ng Araw ng paggawa kahapon. Ang pagtitipon ay May temang “Pagkakaisa ng Mamamayan at Pamahalaan Tungo sa Pagbangon, Kapayapaan at Kaunlaran”. Sa kanyang mensahe, nagbigay pugay si Gen. […]
-
UFC champion Conor McGregor tanggal na unang puwesto ng Forbes highest-paid athletes
NATANGGAL na sa unang puwesto bilang highest paid athlete ng Forbes si UFC-two division world champion Conor McGregor. Base sa pinakahuling listahan ng Forbes nasa pang-35 na puwesto na ito ngayon na mayroong kita na $43 milyon. Noong nakaraang taon kasi ay nangunguna siya na mayroong $180 milyon na kinita ng […]
-
Bulacan, kaisa ng bansa sa obserbasyon ng Earth Day 2022
BILANG pagpapakita ng suporta para mapangalagaan ang ating planeta, magsasagawa ang Pamahalaang Panlalawigan ng Bulacan sa pamamagitan ng Bulacan Environment and Natural Resources Office (BENRO) ng clean-up drive sa Brgy. Sto. Rosario, Paombong at tree planting at growing activity sa Paombong Eco Park, San Isidro II, Paombong, Bulacan bukas, alas-7:00 ng umaga. Sasamahan […]