• June 14, 2024
  • Ang Diyaryong Pinagkakatiwalaan

Magkapatid tinuhog ng sariling ama

“WALANG makikinabang sa inyo kung hindi ako lang”

 

Ito umano ang sinasabi ng 54-anyos na tricycle driver habang ginugulpi ang 20-anyos na dalagang anak makaraang tumanggi na ang biktima sa umano’y paulit-ulit na ginagawang panghahalay sa kanya ng sariling ama sa Malabon City.

 

Dahil dito, napilitan nang ipagtapat ng biktimang itinago sa pangalang “Lucy” ang panghahalay ng kanyang ama na itinago niya sa matagal ding panahon sa takot na totohanin ng ama ang banta na may mangyayaring masama sa kanila sa oras na magsumbong siya kaninuman.

 

Kaagad na humingi ng tulong sa barangay at pulisya ang ina ng dalaga na nagresulta sa pagkakadakip sa suspek kamakalawa na naging dahilan upang maglakas na rin ng loob ang 16-anyos na kapatid ni Lucy na lumutang at magsumbong sa ginagawa ring panghahalay sa kanya ng sariling ama.

 

Napag-alaman na ang pinakahuling insidente ng panghahalay kay Gloria ay noong Biyernes ng umaga at batay sa ginawang pagsusuri na isinagawa sa kanya ng medico-legal ng Northern Police District (NPD) Crime Laboratory, positibong hinalay ang dalaga na hindi lamang minsang naganap, tulad ng sumbong ng biktima.

 

Noong Lunes ay isinalang na rin sa medico-legal examination ang nakababata niyang kapatid na itinago sa pangalang “Nora” na umano’y paulit-ulit ding ginagahasa ng ama sa tuwing wala sa bahay ang kanilang ina.

 

Sa oras na positibong ginahasa batay sa resulta ng isinagawang pagsusuri kay Nora, isasampa na ng pulisya ang kasong sexual violence at multiple rape laban sa ama ng mga biktima sa piskalya ng Malabon city. (Richard Mesa)

Other News
  • PBA umatras sa imbitasyon na makapaglaro sa Dubai dahil sa COVID-19 pandemic

    UMATRAS na ang PBA sa paglalaro sa Dubai dahil sa COVID-19 pandemic.     Sinabi PBA Commissioner Willie Marcial na isa sanang karangalan ang maglaro sa mini-tournament kasabay ng Expo 22 sa Dubai ay nagpasya sila na umatras dahil sa patuloy na pagtaas na kaso ng COVID-19.     Magkakaroon sana ng hindi bababa sa […]

  • P90.2-B special risk allowance para sa mga medical workers ng DOH inilabas na

    Nailabas na ang P90.2 billion special risk allowance para sa mga medical workers ng Department of Health sa buong bansa.     Sinabi ni Department of Budget and Management (DBM) Assistant Secretary Kim Robert de Leon na inaasahan na tuluyan ng maipamahagi ang nasabing budget hanggang Hunyo 30, 2021.     Mayroong tig-P5,000 na monthly […]

  • Angelo Nicolas Almendras, NU Bulldogs lumapit sa walis-titulo

    UMANGAS si Angelo Nicolas ‘Nico’ Almendras upang akbayan ang National University sa 25-19, 25-21, 25-19 panalo kontra University of Santo Tomas sa Game 1 best-of-three finals ng 14th V-League 2022 Men’s Collegiate Challenge Linggo ng hapon sa Paco Arena sa Maynila.   Tumikada si Almendras ng 13 points kasama ang 14 excellent receptions para isampa […]