Magpapakita ng ‘PDA,’ sisitahin na para labanan ang COVID cases – PNP
- Published on March 15, 2021
- by @peoplesbalita
Tiniyak ng Philippine National Police (PNP) na istrikto nilang ipatutupad muli ang mga health protocols lalo na at tumaas na naman ang bilang ng Coronavirus Disease (COVID) cases dito sa Metro Manila.
Kaugnay nito, nakikipag-ugnayan na rin ang PNP sa mga local government units kaugnay sa mga umiiral nitong ordinansa.
May mga lugar na rin kasi sa ilang siyudad sa National Capital Region ang isinailalim sa lockdown dahil sa pagsirit ng COVID-19 cases gaya ng Quezon City, Pasay City, San Juan City at Manila.
Paalala rin ng PNP sa mga mag-asawa at “in a relationship” na mahigpit ng ipinagbabawal ang public display of affection (PDA).
Ayon kay PNP spokesman B/Gen. Ildebrandi Usana, inatasan na nila ang mga pulis na sakaling may makitang nagpi-PDA ay agad itong sitahin.
Kasama na rito ang halikan sa pampublikong lugar, hawakan ng kamay at yakapan.
Maliban sa mga mag-asawa at mayroong mga karelasyon, saklaw din ng paninita ng PNP ang mga miyembro ng pamilya at mga magkaibigan.
Paliwanag ni Usana, kahit sino ay puwedeng magdala ng virus kaya mas mabuti na ang magdoble ingat.
Samantala, muling nagpaalala ang PNP sa publiko na sumunod sa health protocol gaya ng pagsusuot ng face mask, face shield at social distancing.
Sa pamamagitan nito, maipapakita ang pagmamahal sa ating pamilya, kamag-anak at mga kaibigan sa gitna ng pag-iwas sa nakakamatay na COVID-19.
-
“THIS STORY IS DIFFERENT BECAUSE IT’S REALLY GROUNDED IN REALITY,” SAYS DAKOTA JOHNSON OF “MADAME WEB” IN NEW FEATURETTE
Some real talk with the cast of Madame Web. Watch the new featurette, “Grounded in Reality,” where the cast of Madame Web, led by Dakota Johnson as the titular character, talk about what makes their film different from other superhero movies. Find out in this featurette: https://youtu.be/zyZDOPr7DyI “Madame Web is unlike any other Marvel movie,” […]
-
Michael Jordan panalo ng $46,000 vs Chinese sportswear company
Iginawad ng isang korte ang panalo sa kaso ni NBA Hall of Famer Michael Jordan laban sa isang Chinese sportswear company. Ang naturang kaso ay may kaugnayan sa “emotional damages” at legal expenses bunsod ng trademark issues. Ayon sa ulat ng Variety, inatasan ng korte ang Chinese sportswear at shoe manufacturer ng sapatos […]
-
‘Unpregnant’ Premieres in Asia Exclusively On HBO and HBO GO
HBO Max and WarnerMax’s original feature film, Unpregnant, adapted from the young adult HarperCollins novel of the same name, will premiere in Asia for the first time on 6 February at 9pm exclusively on HBO GO and HBO. Starring Haley Lu Richardson (“Split”; “Five Feet Apart”) and Barbie Ferreira (HBO’s “Euphoria”), the film offers […]