• April 20, 2024
  • Ang Diyaryong Pinagkakatiwalaan

Malakanyang, humingi ng paumanhin sa kabiguan ng PhilHealth na bayaran ang P930 milyong utang sa PRC

HUMINGI ng paumanhin ang Malakanyang sa naging kabiguan ng state medical insurer PhilHealth na bayaran ang utang nito na umabot sa P930 milyon sa Philippine Red Cross (PRC) dahilan upang mapilitan ang huli na itigil ang COVID-19 tests.

 

Ang PRC ang responsable para sa 1 milyong COVID-19 tests, o 1/4 ng 3.8 million tests ng bansa.

 

Sinabi ng organisasyon na hindi na sila tatanggap ng specimens para sa PhilHealth funded- tests matapos ang 11:59 ng gabi, araw ng Huwebes, dahil sa “ever-increasing” outstanding balance ng ahensiya.

 

“Malaking kawalan po iyan kung ititigil nila ang testing for PhilHealth. Pero ako naman po ay kampante na mayroon lang talagang mga internal problema ngayon ang PhilHealth na alam naman nating lahat,” ayon kay Presidential Spokesperson Harry Roque.

 

“Humihingi po ako ng pasensya sa PRC on behalf of the President,” dagdag na pahayag nito.

 

Matatandaang inakusahan ng mga whistleblower sa pagdinig ng Senado si Philippine Health Insur- ance Corporation (Philhealth) President and Chief Executive Officer (CEO) Ricardo Morales na inaprubahan ang overpriced projects at ang pagpapalabas ng mga pondo para sa mga pinapaborang ospital pero agad naman nitong itinanggi ng CEO ng state insurer.

 

Nilagdaan ni Morales ang memo- randum of agreement para sa PRC tests, ayon naman kay National Task Force (NTF) against COVID- 19 chief implementer Secretary Carlito Galvez Jr.

 

Ang successor naman ni Morales na si Dante Gierran ay gusto na matiyak na nasa ayos ang lahat bago mai- settle ang PRC dues.

 

“‘Pag favorable po ang comment ng DBM, tuloy-tuloy na po iyon,” aniya pa rin.

 

“I am confident that the issue will be resolved immediately,” dagdag na pahayag ni Galvez.

 

Sa ulat, pinayagan ng pamahalaan ang 147 laboratory na magpatakbo ng coronavirus tests.

 

Sa ngayon, ang iba pang laboratoryo ay maaaring i-take over ang PRC’s load.

 

“In other words ‘wag naman po mag-alala ang ating mga kababayan,” aniya pa rin. (Daris Jose)

Other News
  • MAY KAPANGYARIHAN BA ang mga LGU na MANGUMPISKA ng DRIVER’s LICENSE?

    Wala.     Ayon sa DILG ay tanging LTO lang at ang mga deputized enforcers ng Ahensya ang may kapangyarihan na mag confiscate ng driver’s license.     Pero ayon sa Abogado ng Manila ay tuloy pa rin ang pagkukumpiska ng kanilang mga enforcers dahil sa ilalim ng Local Government Code ay may kapangyarihan ang […]

  • Presyo ng bigas sa merkado, tumaas ng hanggang P2/kilo kasunod ng pananalasa ng nagdaang bagyo – DA

    TUMAAS ang presyo ng bigas sa merkado ng P1.50 hanggang P2 kada kilo kasunod ng pananalasa ng nagdaang bagyo ayon sa price monitoring ng Department of Agriculture (DA).     Sa pinakahuling datos, nag-iwan ng malawak na pinsala ang matinding pag-ulan na nagdulot ng mga pagbaha sa parte ng Luzon kung saan umaabot sa P2 […]

  • DINGDONG at MARIAN, kinumpirma na tuloy na ang bagong project sa GMA na malamang na isang sitcom

    KINUMPIRMA na ng Kapuso Primetime Queen na si Marian Rivera, gayundin naman ang Kapuso Primetime King na si Dingdong Dantes na may gagawin na nga silang bagong proyekto sa GMA-7.     Kinumpirma nila ito sa naganap na GMA Pinoy TV Fun Con.  Isang bonggang “Yes!” ang sagot ni Marian nang tanungin sila kung totoong magtatambal […]