• February 28, 2024
  • Ang Diyaryong Pinagkakatiwalaan

Malakanyang, pinabulaanan na may exodus sa mga POGO

ITINATWA ng Malakanyang na may exodus sa Philippine Offshore Gaming Operators (POGOs) sa gitna ng COVID-19 crisis.

 

Sinabi ni Presidential Spokesperson Harry Roque na malinaw ang requirements ng Department of Finance (DOF) para sa muling pagbabalik ng POGO operations.

 

Iyon nga lamang aniya ay may ilang POGO firms na bigong magbayad ng kanilang tax dues, na isang requirement bago mag-resume ng operasyon.

 

Tinatayang nasa 20 mula sa 60 lamang ang sumunod sa requirements ng Department of Finance at Bureau of Internal Revenue.

 

“Hindi naman po exodus ‘yan dahil malinaw naman po ang naging polisiya ng Department of Finance: Pay up otherwise hindi kayo pupuwedeng mag-POGO operations dito,” ani Roque.

 

Subalit, sinabi ni Sec. Roque na mayroong POGO operator ang umalis ng bansa dahil pinaghihinalaan ito ng Chinese Government na pinopondohan ang mga demonstrador.

 

Aniya pa, dapat matuwa ang mga kritiko ng POGO lalo na at nababawasan ang mga nag-o- operate nito sa bansa.

 

Sa datos ng Philippine Amusement and Gaming Corporation (PAGCOR), aabot sa 94.7 billion pesos ang naiaambag ng POGO sa ekonomiya ng Pilipinas na maaaring umabot ng hanggang 104 billion pesos.

 

Ang reaksyon ng Malakanyang ay kasunod ng pahayag ni Finance Secretary Carlos Dominguez III na naabisuhan umano siya mula sa may-ari ng gusali sa Makati City na ang mga offshore gaming operators ay nagsimula nang magkansela ng kanilang lease contracts.

 

Napag-alaman na una nang sinabi ni Philippine Amusement and Gaming Corp. (PAGCOR) Chairperson Andrea Domingo na mayroong halos 90,000 Chinese nationals sa POGO industry. (Daris Jose)

Other News
  • Ilang mga NBA legends naimbitahan maging audience sa NBA Finals

    PINANGUNAHAN nina NBA legend Kareem Abdul-Jabbar at Shaquille O’Neal sa mga sikat na personalidad na magiging virtual audience sa unang laro ng NBA Finals sa pagitan ng Los Angeles Lakers at Miami Heat.   Ilan sa mga kasamang magiging audience ay ang mga NBA legends gaya nina Bill Walton, Clyde Drexler, Dirk Nowitzki, Dwayne Wade, […]

  • HOUSE BILL 7034, ISABATAS

    Magsisilbing isang tulay na magdurugtong sa mga guro at sa ‘new normal’ ang pagpasa ng mga panukalang batas na makatutulong sa pagtugon sa hamon sa teknolihiya sa panahon ng pandemya, tulad ng House Bill 7034.   Naglalayon ang HB 7034 (Internet Allowance for Public School Teachers Act of 2020) na isinusulong ni ACT-Teachers Party-List Rep. […]

  • NLEX toll rates muling tataas

    PINAYAGAN ng Toll Regulatory Board (TRB) ng Department of Transportation (DOTr) na magkaroon ng rate adjustment sa North Luzon Expressway (NLEX).       “We have authorized the imple-mentation of an additional P7 in the open system and P0.36 per kilometer in the closed system starting June 15,” wika ng TRB.       Ang […]