• May 30, 2024
  • Ang Diyaryong Pinagkakatiwalaan

Malakanyang, todo-depensa

Todo-depensa ang Malakanyang sa naging panawagan ni Pangulong Rodrigo Roa Duterte sa mga mambabatas na amiyendahan ang anti-terrorism law ng bansa. Ayon kay Presidential Spokesman Harry Roque na walang ‘draconian provisions’ ang nakapaloob sa Human Security Act of 2007.

 

 

“Wala naman pong draconian na provision diyan. Lahat po ng provision diyan binase rin natin sa batas ng iba’t ibang bansa na mas epektibo po ang kanilang pagtrato sa sa mga terorista,” ayon kay Sec. Roque.Ang batas ay naka-pattern ani Sec. Roque sa anti-terrorism laws ng United Kingdom, United States, at Australia. “Wag po natin kalimutan hindi po tayo istranghero sa terorismo,” aniya pa rin.

 

 

Nauna rito, sinertipikahan bilang urgent measure ni Pangulong Duterte ang panukalang pag-amyenda sa Anti-Terrorism Law, upang mapabilis ang pag-usad nito sa Kongreso.

 

Ang panukalang ito ay layong palakasin pa ang laban ng Pilipinas kontra terorismo.

 

Sa ilalim ng bersyon ng panukala na inadopt ng Kongreso, dinagdagan ang bilang ng araw na maaaring i-detain ang hinihinalang terorista kahit walang arrest warrant. Mula sa tatlong araw, iniakyat ito sa 14 na araw at maaaring ma-extend ng 10 pa.

 

Ilan rin sa mga nilalaman ng panukala na kinukwesyon ay ang pag-aalis ng probisyon ng Human Security Act of 2007.

 

Sa press briefing sa Malacañang, sinabi ni Defense Secretary Delfin Lorenzana na walang basehan ang pangamba ng mga tumututol dito.

 

Matatandaan kasi na kinuwestyon ito ng ilang mambabatas, habang inulan rin ito ng batikos sa social media, dahil sa umano’y posibleng paglabag sa karapatang pantao.

 

Ayon sa kalihim, mayroong mga nakapaloob na kaparusahan sa panukalang ito upang matiyak na hindi ito maabuso.
Ayon naman kay DILG Secretary Eduaro Año, walang dapat ikatakot ang publiko sa batas dahil pinag-aralan itong mabuti at matagal na panahon itong tinalakay.

 

Ani DILG Secretary Eduardo Año, “So ito po naman ay para sa kaligtasan ng lahat, at pinag-isipang mabuti at sinisigurado po natin na walang abusong mangyayari. Kaya sana po ay suportahan na rin natin itong anti-terrorism bill po natin.”  (Daris Jose)

Other News
  • Gobyerno nananatili sa ‘targeted testing’ para kontrolin ang pagkalat ng Covid-19

    SA HALIP na mass testing, ang targeted testing o responsible testing ang gagamitin para makontrol ang pagkalat ng Covid-19 habang sinisiguro na ang government resources ay hindi mauubos.     Isinantabi ni Acting Presidential Spokesperson at Cabinet Secretary Karlo Nograles, ang panawagan para sa mass testing, binigyang diin nito ang pangangailangan para sa pamahalaan na […]

  • PBA balik-aksiyon na sa Araneta

    Mga laro : (Araneta Coliseum) 3:00 pm – Meralco vs NLEX 6:00 pm – Magnolia vs TNT     ABALA ang TNT sa 46th Philippine Basketball Association (PBA) 2021-22 Governors Cup elimination round restart bago tulungan ang Gilas Pilipinas sa first window ng 2023 International Basketball Federation (FIBA) World Cup Asian Qualifiers sa buwang ito […]

  • LIZA SOBERANO SHARES TRAILER FOR “LISA FRANKENSTEIN,” IN PHILIPPINE CINEMAS FEBRUARY 7

    MANILA, January 24, 2024 – Liza Soberano has shared the trailer for “Lisa Frankenstein,” her first Hollywood movie. After a brief introduction by Liza, the trailer opens with her character, Taffy, in the car with her stepsister Lisa Swallows, the movie’s protagonist played by Kathryn Newton. The two high school students are talking about boys, […]