Malakanyang, umapela sa mga jeepney drivers, operators na huwag suspendihin ang operations ngayong linggo
- Published on June 8, 2022
- by @peoplesbalita
SA gitna ng nagpapatuloy na pagsirit ng presyo ng langis, umapela ang Malakanyang sa public utility jeepney (PUJ) drivers at operators na huwag nang ituloy ang kanilang plano na tigil-pasada o isuspinde ang nationwide jeepney operations ngayong linggo.
“Nanawagan kami sa mga tsuper at mga operator ng mga jeep na huwag ituloy ang kanilang planong tigil pasada ngayon linggo,” ayon kay Acting presidential spokesperson at Communications Secretary Martin Andanar sa isang kalatas.
Tiniyak nito na ginagawa naman ng pamahalaan ang lahat ng makakaya nito upang pagaanin ang epekto ng tumataas na presyo ng langis sa sanhi ng ‘tight supply’ sa global oil market.
Binanggit nito ang patuloy an pagsisikap ng pamahalaan na i-roll out ang fuel subsidy ng Department of Transportation para sa mga beneficiaries.
“Nasa mahigit 180,000 public utility vehicle operators ang nabigyan na ng fuel subsidy, as of June 1, 2022, ayon sa Land Transportation Franchising and Regulatory Board,” dagdag na pahayag nito.
Sa ulat, matagal nang nagrereklamo ang mga jeepney drivers at operators ukol sa patuloy na pagtatas sa presyo ng langis lalo pa’t nakasandal lamang ito sa kanilang pang-araw- araw na trabaho.
Ayon sa transport group Pinagkaisang Samahan ng Tsuper at Operator Nationwide, karamihan sa mga PUJ drivers ay kumikita lamang ng P300 kada araw o sapat na kita para ipakain sa kanyang pamilya. (BISHOP JESUS “JEMBA” M. BASCO)
-
No. 19 most wanted person ng NCRPO nalambat ng NPD sa Zambales
NATIMBOG ng mga awtoridad ang No. 19 most wanted person ng National Capital Region Police Office (NCRPO) sa kanyang pinagtataguan lugar sa Zambales City, Miyerkules ng gabi. Kinilala ni District Special Operation Unit ng Northern Police District (DSOU-NPD) chief PLTCOL Jay Dimaandal ang naarestong akusado na si Jonard Manalo, 27, tubong Malabon City […]
-
Yulo kaya ang Olympic gold – Carrion-Norton
TIWALA ang Gymnastics Association of the Philippines (GAP)na kakayanin ni Carlos Edriel ‘Caloy’ Yulo na mabigyan ng unang gold medal ang mga Pinoy sa 32nd Summer Olympic Games 2020 sa Tokyo, Japan na naurong lang ng Hulyo 2021 sanhi ng pandemya. Ito ang walang takot na pinahayag nitong Biyernes ni GAP president Cynthia Carrion-Norton, […]
-
JUDY ANN, bagay na gumanap na bida sa ‘Doctor Foster’ at si JULIA naman ang ‘other woman’
MAINGAY na agad ang adaptation na gagawin ng ABS-CBN mula nang ianunsiyo nila na nakuha nila ang rights ng Doctor Foster na orihinal sa British Television at na-adapt na ng ibang bansa. Ang pinakahuli na nag-adapt nito ay ang South Korea at puwede rin sigurong sabihing isa sa pinaka-successful adaptation noong 2020 at […]