Mas mainit na bakbakan sa Game 3
- Published on December 17, 2022
- by @peoplesbalita
MAS LALONG mag-iinit ang salpukan ng defending champion University of the Philippines at Ateneo de Manila University sa pagsambulat ng Game 3 ng UAAP Season 85 men’s basketball tournament best-of-three championship series.
Nauwi sa rubber match ang serye matapos masikwat ng Blue Eagles ang 65-55 panalo laban sa Fighting Maroons sa Game 2 noong Miyerkules.
Kaya naman nag-uumapaw ang kumpiyansa ng Ateneo dahil muling nabuhay ang pag-asa nitong maibalik sa kanilang teritoryo ang kampeonato.
Nagawa ng Blue Eagles na maipanalo ang Game 2 dahil sa solidong laro ng kanilang buong team.
Ito ang paniniwala ni slotman Angelo Kouame na malaki ang pasasalamat dahil sa solidong kontribusyon ng kanyang mga katropa.
“It’s not about me. It’s about the whole team so what I really want to talk about is the performance of the whole team,” ani Kouame.
Umaasa si Kouame na madadala nito ang momento sa Game 3.
“It really makes me feel in the right position to be able to be with them and see they really want as much as I want to so it’s a team effort,” dagdag ni Kouame.
Kabilang sa mga nakatuwang ni Kouame sina Forthsky Padrigao, Geo Chiu at Matthew Daves na nagbigay ng malaking kontribusyon sa tropa.
Ngunit asahan ang mas matinding bakbakan dahil ilalabas din ng Fighting Maroons ang buong puwersa nito upang madepensahan ang kanilang korona.
Muling gagawa ng game plan ang UP coaching staff para pigilan ang malakas na puwersang ilalatag ng Ateneo. (CARD)
-
Tennis star Simona Halep, patuloy na nagpapagaling matapos dapuan ng COVID-19
NAGPAPAGALING na ngayon si world number two tennis star Simona Halep matapos dapuan ng coronavirus. Ayon sa 29-anyos na Romanian tennis star na nagkaroon lamang siya ng mild symptoms. Tiniyak nito sa kaniyang mga fans na masigla ang kaniyang kalusugan at agad na magbabalik sa laro kapag ito ay tuluyang gumaling na. […]
-
5 babaeng Vietnamese, nasagip sa prostitusyon
LIMANG babaeng Vietnamese nationals ang nailigtas habang dalawa pang dayuhan ang dinakip sa entrapment operation ng District Special Operations Unit (DSOU) ng Southern Police District (SPD) kaugnay sa pambubugaw umano ng mga babae para sa panandaliang aliw, sa Parañaque City, kamakalawa ng madaling araw. Kinilala ni SPD Director P/Brig. General Kirby John Brion […]
-
30-K manok sa Pampanga, isinailalim sa culling dahil sa bird flu
Kinumpirma ng Department of Agriculture na mahigit 30,000 manok sa Central Luzon ang isinailalim sa culling. Ito ay mtapos na maitala ang avian influenza infection sa isang farm sa bayan ng San Luis sa Pampanga. Ayon sa ahensya, kaagad na inilibing ang mga kinatay na manok upang sa gayon ay maiwasan na ang […]