Masaya sa kabila ng pagod, sugat at pagbagsak: ASHLEY, dedicated ang serye sa parents nila na very supportive

SA bahay lamang nag-stay si Sparkle GMA Artist Ashley Ortega during the Holy Week break from her taping ng “Hearts On Ice.”  

Sinadya niyang huwag umalis ng bahay para makapahinga, hindi kasi biro ang mga eksena niyang ginawa lately sa serye, dahil pinaghandaan niya ang pagsabak niya sa competition.

IG post ni Ashley: “It’s been 4 months of taping Hearts On Ice and all I can say is how fulfilling it is to go home from work despite all the sleepless nights, cuts, falls, bruises and physical exhaustion.

“Sharing you some behind the scene photos/vids of Ponggay’s (her character) struggles, battle scars and gorgeous legs (btw, the production of #HOI takes good care of me and everyone on set.  All my bruises, falls and cuts are accidents and it’s normal in our sport.)”

Sa isang interview nga niya sa “24 Oras,” inamin ni Ashley na first big project niya ang serye, kaya may pressure sa kanya, alam daw niyang mataas ang expectations ng mga viewers sa kanya, dahil nga isa siyang professional figure skater, kaya ayaw rin niyang mabigo sila sa kanya.

Isa pa, dedicated ni Ashley ang serye sa parents nila, who supported her and her siblings in their sports.  Profesional figure skater din and younger sister niya at ang brother nila ay hockey player naman.

Please don’t miss ang lalong gumagandang mga eksena ng #HOI dahil nagsimula na nga ang competition ng real figure skaters na kasama sa cast, at may malaking sorpresa ring naghihintay kay Ponggay mula sa kayang inang si Libay (Amy Austria) na former figure skater din.

Papasok na rin ang love angle between her and Enzo (Xian Lim), ang childhood friend niyang hindi na niya matandaan.  Napapanood gabi-gabi ang serye, 8:50PM sa GMA-7.

                                                            ***

LAST weekend, sinurpresa ng cast ng “Mga Lihim ni Urduja” na sina Sanya Lopez, Gabbi Garcia, Jeric Gonzales at Vin Abrenica ang mga naghihintay na pasahero ng Paranaque Integrated Terminal Exhange (PITX), na nagulat at natuwa dahil nabawasan ang inip nila sa paghihintay ng mga biyahe nila pauwing probinsiya.

Maraming nagpa-selfie at nakipagkulitan sa cast.  In return ay nag-request naman sila na panoorin sila gabi-gabi sa GMA-7, 8pm, dahil nalalapit na ang kanilang pagtatapos.

                                                            ***

SA April 13, magsi-celebrate na si Bacoor Cavite Representative Lani Mercado-Revilla ng kanyang 55^th birthday.

Wala raw siyang ibang hiling kundi pasasalamat lamang niya sa Diyos.  Kung mayroon man siyang wish, ito ay ang good health para sa kanyang buong pamilya.  Thankful din siya dahil successful ang katatapos na gall bladder operation ng husband niya, si Senator Bong Revilla Jr.

At sa kanyang birthday, sa halip na siya ang tumanggap, siya raw ang maghahandog sa mga constituents nila sa Bacoor.  Sa Friday, April 14 ay may pa-free concert siya at dahil 55 years old na nga siya, mamimigay siya sa mga constituents niya ng 55 libreng pustiso, 55 wheelchairs, 55 na hair makeover, 55 na tig-P2,000 at may iba’t ibang pa-contest pa silang gagawin during the concert.

HAPPY BIRTHDAY CONG. LANI!

(NORA V. CALDERON)