Matapos mabalitang break na sila ni Daniel: KATHRYN, pinansin ng netizens ang pag-unfollow kay ANDREA sa Instagram

MAINIT na pinag-uusapan ng mga netizens ang tungkol sa pag-a-unfollow ni Kathryn Bernardo kay Andrea Brillantes sa Instagram!

Mismo kasing mga netizens ang nakapansin nito nito lamang Biyernes, November 17 kaya naman lalo pang umapoy ang tsikang hiwalay na nga sina Kathryn at Daniel Padilla at si Andrea ang itinuturong dahilan.

Samantala, mga “maritess” rin ang nakapansin na in-unfollow rin ni Andrea si Daniel habang si Daniel ay naka-follow pa rin sa ex-girlfriend ni Ricci Rivero.

Kaya naman napaka-ingay ngayon ng X (dating Twitter) dahil mega-trending topic ang ang un-follow-han na ito.

Kaya ang patuloy na tanong ng bayan, break na nga sina Kathryn at Daniel; at si Andrea ba ang third party sa hiwalayan ng Kathniel na labing-isang taon na ang relasyon?

Noon kasing November 10, very subtle na dinenay ni Daniel ang hiwalayan issue dahil sa kanyang Instagram Story ng video ni Kathryn na cover girl ng Preview ngayong Nobyembre.

Nito namang November 14, nakitang magkasama sina Kathryn at Daniel sa isang event ng isang brand ng relo.

At si Kathryn pa ang nag-repost sa kanyang IG Stories ng ilang larawan nila ni Daniel kasama ang ilang friends nila

Nag-viral din ang mga video na kuha sa after-party ng naturang event kung saan makikita na nagsasayaw ang dalawa sa dance floor.

So break na nga ba o hindi ang KathNiel?

Malalaman rin natin iyan sa takdang panahon, sooner or later.

***

PATI ang paghahanap ni Claudine Barretto ng sekretarya ay nalagyan ng ibang kulay.

Dahil kasi tulad ng alam nating lahat na balik-showbiz na si Claudine with GMA’s Lovers/Liars siyempre magiging busy-bisihan na ang aktres, so natural lang na need niya ng tauhan.

Kaya ang naisip niya na best way ay sa pamamagitan ng social media.

Sa pamamagitan ng kanyang Instagram account ay nag -post nito si Claudine with the hope na tutulungan siya ng kanyang mga IG followers.

“Palanggas could you pls help me find a live in secretary / house and schedule manager. Kindly message me through dm.

“Leave you cellphone number and bio data… thank you so much, have a nice day.”

Isang netizen ang nag-comment naman nito sa post ni Claudine, na naghihirap na umano ang aktres.

“Nung una apartment ang hinahanap, ngayon secretary. Hala, naghihirap na talaga si idol.”

Hindi ito pinalampas ni Claudine.

“Naghihirap agad? Sana naisip mo na nagtatrabaho ako at kailangan may mag-ayos ng schedule nung mga bata,bills etc. Wala po masama maging mahirap. Yung pag-isipan ka ng kagaya mo na sumusuporta sa akin ba talaga or gusto mo lang mag-down ng tao?”

Bago ito ay may post rin si Claudine tungkol sa paghahanap ng apartment, at nilinaw rin ito ng aktres…

“I- clear ko lang po, kailangan namin lumipat dahil ipapa Renovate po yung bahay ko. pagagandahin at mag dadagdag ng mga kwarto kaya d kami pwede dito sa bahay.may parts na ipagigiba. Thank you so much sa inyong lahat.lalo na sa mga nag worry.i luv you all & maraming salamat po [praying hands emojis]”

Magsisimula sa GMA Telebabad sa November 20, 2023, ang Lovers\Liars.

***

DAHKL laglag sa Metro Manila Film Festival ang pelikulang ‘In His Mother’s Eyes’, ikinalungkot ito ng isa sa mga bida ng pelikula na si Roderick Paulate.

Lahad ni Kuya Dick, “Nalungkot ako because naka-aim kasi daw talaga yung movie para sa MMFF.

“Kaya lang, ganun talaga ang buhay, e. May natatanggap, merong hindi. May nananalo, may natatalo.

“Parang ganun. So, ang akin, sana, no, kung nakapasok. “Pero kung hindi, may ibang plano ang Diyos sa amin.

“Puwedeng blessing-in-disguise, di ba, itong showing date na napili namin sa 29, e mas makatulong at mas maraming audience.

“Ang akin lang naman, e, basta nandidiyan yung tao. “Sana, bumalik na sila, manood na ng mga pelikula.

“Hindi lang naman yung pelikula namin. Lahat ng pelikulang Pilipino, e, dapat magtulungan tayo, hanggang sa MMFF.

“Sana, yung sampung pelikulang yun ay maging successful at panoorin lahat ng mga mamamayan.

“Kasi, bukod sa pagiging artista, hindi lang po yun ang mahal ko. Mahal ko po ang industriyang ito. Mahal ko ang pelikulang Pilipino.

“E, wala pong ibang tutulong sa amin kundi kayo din po, kaya sana ibalik ninyo ang pagmamahal nyo at suporta sa lahat ng pelikula.

“Kaya lang, simulan niyo po sa November 29.”

Mauuna na sa mga MMFF entries ang ‘In His Mother’s Eyes’ dahil nga ipalalabas na ito sa mga sinehan kung saan bida rin sina Maricel Soriano, at LA Santos.

Nasa cast din ng In His Mother’s Eyes sina Maila Gumila, Ogie Diaz, Ruby Ruiz, Elyson de Dios, Vivoree, Reign Parani, Rochelle Pangilinan, Inah Evans at Bong Gonzales, sa direksiyon ni FM Reyes.

Mula ito sa 7K Entertainment ni Ms. Flor Santos.

(ROMMEL L. GONZALES)