Matapos magwagi sa ’58th Guldbagge Awards’: DOLLY, bigo na makakuha ng nomination sa ’95th Academy Awards’

SA ginawang annoucement of nominees, kinalumo ng maraming Pinoy na hindi nabanggit ang pangalan ni Dolly sa final five nominees sa supporting actress category. Ang mga pasok ay sina  Angela Bassett (“Black Panther: Wakanda Forever”); Hong Chau (“The Whale”); Kerry Condon (“The Banshees of Inisherin”); Jamie Lee Curtis (“Everything Everywhere All at Once”) at Stephanie Hsu (“Everything Everywhere All at Once”).

Naging kunsuwelo na lang ng mga Pinoy ay ang nakuhang nominasyon ni Dolly sa BAFTA (British Academy Film and Television Award) para sa pelikulang “Triangle of Sadness.”

Kailan lang ay nagwagi bilang best supporting actress si Dolly sa 58th Guldbagge Awards, the Swedish equivalent of the Academy Awards. Kinabog ni Dolly ang mga kalaban niyang sina Marika Lindström from “Burn All my Letters,” Liv Mjönes from “Tack for the Last Time,” and Carla Seh from “Stammisar”.

Anyway, ang surreal sci-fi na “Everything Everywhere All At Once” ang nakakuha ng pinakamaraming nominasyon sa Oscars. 11 ang nakuha nito including Best Picture, Besy Director, Best Supporting Actor, Best Supporting Actress at Best Actres for Michelle Yeaoh na kauna-unahang Asian actress na ma-nominate sa naturang category.

Ang iba pang nominated as Best Picture ay “All Quiet on the Western Front,” “Avatar: The Way of Water”, “The Banshees of Inisherin”, “Elvis”, “The Fabelmans”, “Tár”, “Top Gun: Maverick”, “Triangle of Sadness” and “Women Talking.”

Makakalaban naman ni Yeoh for Best Actress ay sina Cate Blanchett (“Tár”), Ana de Armas (“Blonde”), Andrea Riseborough (“To Leslie”) at Michelle Williams (“The Fabelmans”)

Magtutunggali naman for Best Actor ay sina Austin Butler (“Elvis”), Colin Farrell (“The Banshees of Inisherin”), Brendan Fraser (“The Whale”), Paul Mescal (“Aftersun”)  at Bill Nighy (“Living”)

Sa best supporting actor, maglalaban sina Brendan Gleeson (“The Banshees of Inisherin”), Brian Tyree Henry (“Causeway”), Judd Hirsch (“The Fabelmans”), Barry Keoghan (“The Banshees of Inisherin”) at Ke Huy Quan (“Everything Everywhere All at Once”).

***

MARAMI ang nagulat sa na-share na note ni Pokwang sa Instagram. Nakalagay kasi ay “keep that whore away from my daughter”.

Ito ay tungkol siguro sa bagong girlfrend ng ex-partner niyang si Lee O’Brien. Binuking kasi ni Pokwang sa social media na may bago ng girlfriend  si Lee.

“Wala na po hahhahahaaahaa may nilalandi na sya hahahhahhahahaa hindi nag effort na lunukin ang pride chicken para kay tisay,” comment pa ni Pokwang sa isang post ni Lee.

Pinaalahanan din ng Kapuso comedian-host na ang joint business venture nila ni Lee ay nagtapos na rin. Ang kanilang Poklee Food Products ay wala na raw at kung ay magbenta nito online, scammers daw ang mga iyon.

“One year na wala ang Poklee Food products sarado na po ito at wag na po kayo mag message or umorder ng aming produkto sa messenger, sa shoppee at Lazada dahil ibang brand po idedeliver sa inyo PLEASE! magbasa kayo tapos magagalit kayo kapag na scam kayo! matagal na wala yan po,” pagdidiin ni Pokwang.

Solo na raw si Pokwang sa food business niya at ang bagong pangalan nito ay Mamang Pokwang na.

(RUEL J. MENDOZA)