May nagsara, nagbukas kay Alas
- Published on September 19, 2020
- by @peoplesbalita
PINAGSARHAN ng pinto ng Phoenix Superkalan LPG Fuelamsters sa Philippine Basketball Association (PBA) si Francisco Luis Alas nitong Setyembre 11.
Pero may panibagong bintana namang nagbukas para sa buhay-pamilya ng beteranong coach na nakatakdang matapos ang tatlong kontrata sa team sa darating na Oktubre 31.
“Year 2020, nawala ang trabaho ko pero tatlong babae naman ang pumalit – si Amy ‘yung wife ni Junjun, si Selina ‘yung wife ni Kevin, at si Kamryn. So, saan ka pa, ‘di ba?” ,isa-isa ng 56-anyos na nanggaling na bilang tactician sa tatlong iba pang mga liga.
Ito ay sa ASEAN Basketball League (ABL), nabuwag na Metropolitan Basketball Association (MBA) at National Collegiate Athletic Association (NCAA). Pa-Phoenix hinawakan din niya ang Mobiline/Talkk ‘N Text sa PBA.
May dalawang bagong manugang at isang apong babae na si Alas ngayon.
“Kahit sinasabi mo nga na sobrang saya tapos napalitan ng lungkot,” dugtong niya.
“Pero hindi mapapalitan ‘yung saya na nakuha namin du’n sa pagkawala ng isang trabaho lang.”
Biyernes ng nabanggit na petsa ng buwang ito nang ipaskil ng Phoenix management na sinibak na si Alas bilang coach, walang binigay na konkretong rason. At pinalit sa puwesto niya si assistant coach Michael Christopher Robinson.
“’Nung pagpirma ko sa kanila dito, ang sinabi ko, ‘If you feel na ‘yung performance ko is nagdi-dip na, wala kayong kailangang gawing justification whatsoever. Just let me know,’” esplika pa ng bench strategist.
Maliwanag aniya ‘yung usapan nila, performance-based ang termino niya.
Sapul nang maupo sa koponan noong 2017, nakakolekta si Alas ng 33-33 win-loss record sa Fuel Masters.
Sa unang senaryo sa prangkisa, top seed ang Phoenix pagkatapos ng eliminations ng 44th Philippine Cup 2019, nakaentra Final Four pero niligwak ng eventual champion San Miguel Beer. Hindi na sila nakabalik sa playoffs sa sumunod na dalawang komperensya.
Isa sa pumilay sa gasolina ang indefinite suspension kay Calvin Abueva sa kaagahan ng midseason Commissioner’s Cup. (REC)
-
PBBM hiling mas pinalakas na pagtutulungan ng ASEAN-US
UMAPELA si Pangulong Bongbong Marcos na mas paigtingin pa ang pagtutulungan sa pagitan ng ASEAN at United States (US) para maharap pa ang mga isyung may kinalaman sa maritime security at transnational crime. Sa pagsasalita ng Pangulo sa 10th ASEAN-US Summit sa Phnom Penh, Cambodia, iginiit ni Marcos ang patuloy na pagtutulungan ng […]
-
KEVIN COSTNER’S EPIC WESTERN “HORIZON: AN AMERICAN SAGA” CHAPTER 1 TO OPEN IN PH CINEMAS, SAME DAY AS U. S.
KEVIN Costner is back in the director’s chair with “Horizon: An American Saga,” a four-part epic Western featuring a star-studded cast that includes Costner, Sienna Miller, Sam Worthington, Giovanni Ribisi, Jena Malone, Jamie Campbell Bower and Luke Wilson. “Horizon: An American Saga – Chapter 1,” distributed in the Philippines by Parallax Studios, opens in local […]
-
Game fixing malala sa dalawang liga sa bansa
SINIWALAT kamakailan ng dating player ng Philippine Basketball Association o PBA na si Gerald ‘Gerry’ Esplana, na malala ang game fixing sa dalawang liga sa bansa. Ito aniya ay sa Maharlika Pilipinas Basketball League o MPBL at sa National Collegiate Athletic Association o NCAA. Naging coach ng Valenzuela City sa MPBL at sa […]