Mayor Sara ‘out’ na sa presidential race

Naniniwala si Pangulong Rodrigo Duterte na may malaking oportunidad pa na naghihintay kay Davao City Mayor Inday Sara Duterte-Carpio lalo na at bata pa naman ito.

Ito ang pahayag ng pangulo kasabay ng kanyang pakikipagkita sa kanyang spiritual adviser na si Pastor Apollo Quiboloy kagabi kung saan agad itong umuwi ng Davao matapos ang kanyang pag-indorso sa senatorial slate ng administrasyon sa Comelec Pasay City.

Sinabi nito na totoo si Mayor Sara sa kanyang desisyon na muling kakandidato bilang alkalde ng lungsod.

Naniniwala ang nakakatandang Duterte na marami pang magagandang mangyari sa alkalde kahit na hindi na hindi sa pagiging presidente ng bansa.

Samantalang sinabi rin ng punong ehekutibo na pinili ng PDP-Laban sa last minute kahapon si Sen. Bato dela Rosa dahil walang “ulo” ‘yong kanilang partido o walang kandidato sa pagka-pangulo.

Naniniwala rin siya sa kakayanan ni Sen. Bato at mas mabuti umano na may isang “military man” na mamamahala sa bansa.

“Inday is definitely out as she has said earlier,” ani Pres. Duterte. “She was just true to her words. Alam mo, Inday is young and there are always some opportunities in the future for her. Not necessarily the presidency but well one of those options in her life especilly the imponderables of life.” (Bishop Jesus “Jemba” M. Basco)