McGregor isusunod si Pacquiao

ISUSUNOD kita!

Pasaring ito ni former Ulti- mate Fighting Championship (UFC) star Conor McGregor ng Ireland kay World Boxing Association (WBA) super featherweight champion Emmanuel Pacquiao sa kanyang social media account.

“I will be ready for Texas and Texas will be ready for my fans! Then Manny, (Pacquaio)” paskil ng dating UFC featherweight at lightweight world champion nitong isang araw sa kanyang tweet.

Ang banta ng Irish boxer ay kaugnay sa plano munang laban sa octagon kontra kay dating UFC interim lightweight champion Dustin Poirier ng USA.

Ayon naman kay UFC president Dana White ng Estados Unidos, na lagda na lang ni Conor sa kontrata ang kulang at ikakasa na ang rematch kay Poirier sa Enero 23, 2021.

Dinagdag pa ni McGregor na sa AT&T Stadium sa Texas sila maglaban na wala namang kasiguruhan, at pagkatapos ay ng fighting senator ang susunod niyang babanatan.

Paramdam na rin si Pacman sa kanyang socmed account na ganadong nakikipagsuntukan.

“I’m in the mood to fight. #TeamPacquiao,” caption niya. (REC)