Mekaniko kalaboso sa 3 nakaw na motorsiklo
- Published on October 9, 2020
- by @peoplesbalita
KULONG ang isang mekaniko matapos makumpiska sa kanya ang tatlong nakaw na motorsiklo sa isinagawang Simultaneous Enhanced Managing Police Operation (SEMPO) ng pulisya sa Caloocan city, kamakalawa ng gabi.
Kinilala ni Northern Police District (NPD) Director P/ Brig. Gen. Ronaldo Ylagan ang naarestong suspek na si Neilmar Sinepete, 24 ng Phase 7-B, Block 1, Lot 18, Package 3, Brgy. 176, Bagong Silang.
Ayon kay NPD District Anti- Carnapping Unit (DACU) chief P/ Maj. Jessie Misal, unang i-nireport sa kanila ng mga biktimang si Rose Marie Busa, 23 ng Phase 7-C, Brgy. 176, at Jeno Ponce, 28, fast food crew ng Sto. Ñiño, Maligaya Street, Brgy. 177, kasama ang dalawang saksi ang pagkawala ng kanilang mga motorsiklo habang nakaparada sa labas ng kanilang bahay.
Sa isinagawang imbestigasyon ay nakilala ang suspek kaya’t kaagad sinalakay ng mga pulis ang kanyang bahay kung saan namataan ni Busa ang kanyang motorsiklo na sinasakyan ni Sinepete.
Nang mapansin ng suspek ang presensya ng mga pulis ay agad itong humarurot papasok sa kanilang compound kung saan siya nakorner at doon nakita ang dalawa pang nakaw na motorsiklo.
Kakasuhan ang suspek ng paglabag sa Republic Act No. 10883 (New Anti-Carnapping Law of 2016) habang inaalam pa ang pagkakilanlan ng kanyang dalawang kasabwat. (Richard Mesa)
-
‘Oil price hike, posible pang pumalo sa P12 ang dagdag sa kada litro next week’
POSIBLE pang makaranas ng mas matinding taas presyo sa produktong petrolyo sa bagong round nito sa darating na linggo. Ito ay matapos ang pag-arangkada ng kasalukuyang pinakamataas na dagdag-presyo sa langis ngayong linggo. Batay kasi sa datos na nakalap ng mga kinuukulan, posible pang tumaas sa P12.72 ang kada litro ng […]
-
Sa one-on-one interview niya kay Korina: IZA, may mga isiniwalat sa ina at tungkol sa kanila ni BEN
PUNUM-PUNO ng juicy revelations ang award-winning dramatic actress na si Iza Calzado sa kanyang one-on-one kay veteran broadcast journalist Korina Sanchez-Roxas sa ‘Korina Interviews’ na pinalabas last Sunday, December 3 sa NET 25, na puwedeng balik-balikan sa kanilang YouTube. Isa nga sa napag-usapan nina Korina at Iza, ang tungkol sa kanyang ina na noong […]
-
Football star Cristiano Ronaldo nabasag ang all-time FIFA record career goal
NAGTALA ng all-time FIFA record si Manchester United superstar Cristiano Ronaldo matapos maitala nito ang kaniyang 806th career goal sa Old Trafford. Dahil dito ay nabasag nito ang all-time record para sa most goals sa competitive matches sa kasaysayan ng men’s football. Ito ang pangalawa sa tatlong goals ng Portuguese attacker […]