Melvin Jerusalem kontra Oscar Collazo konti kembot na lang
- Published on February 4, 2023
- by @peoplesbalita
Maagang madedepensahan ni World Boxing Organization mini-flyweight champion Melvin Jerusalem ang kanyang titulo kapag naplantsa ang pakikipag-umbagan kay 2019 Pan American Games gold medalist at undefeated Puerto Rican Oscar Collazo.
Inatasan ng WBO World Championship Committee ang dalawang boksingero para sa mandatory bout. Binigyan ang dalawang kampo ng hanggang Pebrero 14 upang magkasundo at maiwasan ang purse bid kasunod ng paghirang kay Collazo bilang top contender sa nagdaang weekend.
“Please be advised that the WBO World Championship Committee is hereby ordering the commencement of negotiations for the subject matter bout,” bulalas ni WBO WCC chairman Luis Batista-Salas . “The parties herein have 15 days upon issuance of this letter to negotiate and reach an agreement accordingly.”
Tinapos ni Jerusalem ang anim na buwang pagkabokya ng ‘Pinas sa men’s world boxing title nang patumbahin si Japanese Masataka Taniguchi sa second round nung Enero sa Osaka upang mahablot ang korona. (CARD)
-
US at Canada naghahanda na sa pagtama ng snow storm
MARAMING flights ang nakansela at maraming residente ng US at Canada ang nawalan ng suplay ng kuryente dahil sa banta ng winter storms. Nagdeklara na rin ng state of emergency ang Virginia, Georgia, North at South Carolina dahil sa nasabing sama ng panahon. Babala ng US National Weather Service (NWS) na […]
-
Halos 5,000 indibidwal, nakatanggap ng P35.35 million na tulong medikal mula sa Philippine Charity Sweepstakes Office
NAGLABAS ng P35.35 milyon na tulong medikal ang Philippine Charity Sweepstakes Office sa kabuuang 4,704 na kwalipikadong benepisyaryo sa buong bansa mula Enero 9 hanggang Enero 13. Sa pagbanggit sa datos na inilabas, sinabi ng ahensya na ang mga pondo ay inilabas sa mga benepisyaryo sa pamamagitan ng Medical Access Program. […]
-
Gunman na pumatay sa radio commentator na si Percy Lapid, sumuko
SUMUKO na ang gunman sa pumatay diumano sa radio commentator na si Percy Lapid (Percival Mabasa), na siyang ngumuso rin sa tatlo pang suspek habang isinisiwalat na tumanggap siya ng utos mula sa loob ng Bilibid. Martes nang iharap ni Interior Secretary Benhur Abalos ang suspek na si Joel Salve Estorial, na sumuko […]