• April 15, 2024
  • Ang Diyaryong Pinagkakatiwalaan

Metro Manila mayors nagkasundo sa maikling curfew

Mas maikling oras na curfew ang nais ng mga alkalde ng Metro Manila upang bigyang-daan ang nalalapit na tradisyunal na Simbang Gabi .

 

Bukod dito, sinabi kahapon  ni Metro Manila Council Chairman at Parañaque Mayor Edwin Olivarez na ­inirekomenda rin nila sa national go­vernment na palawigan pa ang  general community quarantine (GCQ) sa National Capital Region (NCR) hanggang sa katapusan ng buwan kasabay naman sa pagpapaikli sa curfew hours at makagawa ng paraan para sa pagdaraos ng Simbang Gabi.

 

Nilinaw ni Olivarez na dahil sa tumataas pa ring mga kaso ng coronavirus disease 2019, mas dapat na manatili sa GCQ ang Metro Manila.

 

Una nang nagbabala ang OCTA Research group na sa NCR ay maaaring umabot ng hanggang sa 1,000 ang kaso kada araw kung hindi mababantayan.

 

Nagbabala ang mga eksperto sa patuloy na pagtaas pa ng mga kaso ng virus sa bansa dahil sa pagiging relax na ng mga tao sa Metro Manila.

 

“Makikita po natin parang nagluluwag nang konti so ‘di po natin pwedeng ibaba ang quarantine at (kailangan) i-maintain ang ating health protocol na pinatutupad. Meron tayong slight na pagtaas ng cases all over Metro Manila,”ani Olivarez sa Teleradyo.

 

“Yan ‘yung reason bakit natin nirekomenda ang pagme-maintain ng GCQ, para maibsan ang gatherings at pagluluwag ng negosyo. Pero kailangan magbukas na ng mga negosyo. ‘Yung protocols kailangan ­ipatupad ng local go­vernment units,” dagdag pa niya.

 

Nagkaisa ang mga mayor na pasimulan  ang curfew hours ng alas-12:00 ng hatinggabi hanggang alas -3:00 ng madaling araw..

 

Nilinaw ni Olivarez na iyan ang napagkasunduan ng Metro mayors subalit kailangan pang hintayin ang ilalabas na pag-amyenda sa mga naunang ordinansa sa curfew sa bawat lungsod. (GENE ADSUARA)

Other News
  • Bulacan, higit na pinaigting ang contact tracing kasabay ng pagpasok ng Delta variant sa lalawigan

    LUNGSOD NG MALOLOS– Higit na pinaigting ng Provincial Task Force (PTF) on COVID-19 ang contact tracing at pinahigpit ang pagpapatupad ng Prevent-Detect-Isolate-Treat-Reintegrate (PDITR) Strategy upang maiwasan ang lalong pagkalat ng mga kaso ng COVID lalo na ngayon na pumasok na sa lalawigan ang mas nakakahawang variant ng virus.     Kinumpirma ni Gobernador Daniel R. Fernando na dalawang kaso ng […]

  • KYLIE, binansagan na bilang ‘Thriller Queen’ kaya super react ang netizens

    ANG sexy at sensual ng photo ni Kylie Verzosa na kung saan siya ang cover girl ng Esquire Magazine PH for the month of September.     May tagline ito na ‘Thriller Queen’, dahil siguro sa pinag-uusapan na first lead role niya na erotic thriller film ni Direk Roman Perez na The Housemaid na hatid […]

  • NLEX nakuha ang unang panalo matapos ilampaso ang NorthPort 102-88

    NAITALA ng NLEX Road Warriors ang unang panalo matapos tambakan ang NorthPort 102-88 sa nagpapatuloy na PBA Philippine Cup.   Naging bida sa panalo si Kiefer Ravena na nagtala ng 25 points, limang rebounds at apat na as- sists sa laro na ginanap sa AUF Sports and Cultural Center sa Angeles, Pampanga.   Nag-ambag naman […]