Mga dadalo ng SONA 2022, dapat sumailalim sa RT-PCR test
- Published on July 23, 2022
- by @peoplesbalita
MGA dadalo ng SONA 2022, dapat sumailalim sa RT-PCR test ng mula Sabado (Hulyo 23) ng ala-1:30 ng hapon
Ito ang nakapaloob sa ipinalabas na health and safety protocols ni House of Representatives Secretary-General Mark Llandro Mendoza bilang guidance sa mga dadalo sa pagbubukas ng First Regular Session ng 19th Congress at unang State of the Nation Address (SONA) ni Presidente Ferdinand Marcos Jr. ngayong Lunes (Hulyo 25, 2022).
Nakasaad sa naturang memorandum na may petsang Hulyo 20, 2022 na ang bawat indibidwal na papasok sa North Wing Lobby, South Wing Lobby at Plenary Hall para sa SONA ay kailangang magprisinta ng kanilang negative RT-PCR result na kinuha sa alinmang Department of Health-accredited laboratory mula ala-1:30 ng hapon ng Sabado, Hulyo 23, 2022.
Samantala, ang mga mambabatas, Secretariat officials at staff, maging mga regular service providers na magbabalik trabaho at papasok sa plenary hall sa araw ng sona ay maaaring kumuha ng kanilang RT-PCR test sa kamara ngayong Sabado, mula alas-1:30 ng hapon hanggang alas-7 ng gabi o Linggo (Hulyo) 24, 2022, mula alas-7 ng umaga hanggang alas-12 ng tanghali.
Maaaring kunin ng mga mambabatas at secretariat officials ang kanilang RT-PCR test sa South Wing Annex habang ang secretariat staff at service providers ay sa RVM Building.
Lilimitahan din ang pagpasok ng personnel ng iba’t ibang congressional offices hanggang dalawang personalidad lamang na ang pangalan ay kailangang isumite sa Legislative Security Bureau (LSB).
Mananatili naman sa skeletal force ang tanggapan ng Secretariat na kasali sa ginagawang preparasyon ng SONA. (Ara Romero)
-
Food stamp program, balak ibalik ng DSWD
PLANO ni Department of Social Welfare and Development (DSWD) Secretary Rex Gatchalian na ibalik ang food coupon program sa ahensiya upang mapababa ang problema sa pagkagutom ng maraming mahihirap na Pinoy. Ayon kay Gatchalian, ang hakbang ay reaksyon sa lumabas na survey ng Social Weather Stations (SWS) noog nagdaang buwan na nagsasabing may […]
-
Pilipinas target na maidepensa ng titulo sa SEA Games
PINANGUNAHAN ni Olympic pole-vaulter EJ Obiena na nagsilbing flag-bearer sa pormal na pagsisimula ng 31st Southeast Asian Games sa Hanoi, Vietnam. Kasama nito na pumarada si Philippine Olympic Committee president Bambol Tolentino at 30 miyembro ng Philippine contingent. Mayroong kabuuang 495 na atleta ng bansa ang sasabak sa 39 sports event. […]
-
Construction worker timbog sa 328 grams marijuana
Swak sa kulungan ang isang construction worker matapos makuhanan ng tinatayang nasa 328 grams ng hinihinalang pinatuyong dahon ng marijuana sa buy bust operation ng pulisya sa Navotas city, kahapon ng madaling araw. Kinilala ni Navotas police chief Col. Dexter Ollaging ang naarestong suspek na si Paolo Reyes alyas Amping, 21, ng Ignacio […]