Mga heinous-crime convicts, di dapat isama sa bawas sentensiya
- Published on February 28, 2023
- by @peoplesbalita
ISINUSULONG nina Reps. Paolo Duterte (Davao City) at Eric Yap (Benguet) na hindi mapabilang ang mga personalidad na nahatulan sa ginawang karumal-dumal na krimen sa pagkuha ng bawas sentensiya sa kanilang hatol gamit ang probisyon na good behavior.
Ang panukala ay nakapaloob sa House Bill 4649 na naglalayong takpan ang sinasabing butas o loopholes sa Republic Act (RA) 10592 Good Conduct Time Allowance (GCTA) law.
Isinabatas noong 2013, itinaas ng GCTA law ang nakakuhang kredito ng mga persons deprived of liberty (PDLs) sa kanilang good conduct, na maaaring ibawas sa taon ng kanilang sentensiya.
Nitong 2019, nagkaroon ng kontrobersiya sa nasabing batas makaraang halos 2,000 katao na nahatulan ng heinous crimes ang nakinabang sa re-computation ng kanilang GCTA credits at napalaya. Naibalik naman sila matapos ipag-utos ni noon ay Presidente Rodrigo Duterte na sumuko sila o ituring na takas o fugitives.
“The spirit of RA 10592, which revised the computation of the good conduct time allowance for persons deprived of liberty, is justice with mercy. However, it should only benefit those who deserve it—those who have been reformed and are ready to be reintegrated into the society without posing a threat,” pahayag nina Duterte at Yap sa panukala.
Kabilang sa heinous crimes na nakasaad sa RA 7659 ay ang “treason; piracy in general and munity on the high seas in Philippine waters; qualified piracy; qualified bribery; parricide; murder; infanticide; kidnapping and serious illegal detention; robbery with violence against or intimidation of persons; destructive arson; rape; and importation, distribution, manufacturing and possession of illegal drugs.”
Upang masiguro na patas ang pagbibigay ng GCTA credits, sinabi ng mga mambabatas na inaatasan sa panukala ang kalihim ng Justice na magbuo ng “an objective and quantitative criterion for the evaluation and credit of the Good Conduct Time Allowance (GCTA) to be used by the Director of the Bureau of Corrections, the Chief of the Bureau of Jail Management and Penology (BJMP), and/or the Warden of the provincial, district, or city jail in granting good conduct.” (Ara Romero)
-
JULIA, pinupuri ng netizen at celebrities dahil pursigido na makatapos sa pag-aaral; ‘Dean’s Lister’ pa
PINUPURI si Julia Montes ng netizens dahil sa pagpupursige niya na makatapos sa pag-aaral kahit kasabay ito ng kanyang pag-aartista. Ang kinukuha niyang kurso sa Southville International School and Colleges ay BSBA Major in Marketing Management, na dahil sa taas ng nakuha grado ay qualify siya sa Dean List ng Second Semester ng […]
-
Hands on canvassing training para sa 2022 Presidential at VP elections sa Kamara
BILANG paghahanda, nagsagawa ng hands on training sa canvassing ng boto para sa presidential at vice presidential candidates ng May 9, 2022 national elections sa kamara. Ang hands-on training/demonstration ay isinagawa ng Commission on Elections (COMELEC). Sinabi ni House Information and Communications Technology Service (ICTS) Director II Julius Gorospe na ang […]
-
Barko ng Pinas ‘binomba’ uli ng China, binangga pa
MATAPOS ang pag-water cannon sa mga barko ng Bureau of Fisheries and Aquatic Resources (BFAR) nitong Sabado, ang mga barko naman ng Pilipinas na magsasagawa ng rotation and resupply mission sa BRP Sierra Madre ang binomba ng tubig ng China Coast Guard, Linggo ng umaga. Ayon kay Philippine Coast Guard (PCG) spokesperson for […]